- Aokha'ava filisteus kasorarani arabo namahiki namanija vahojaki vakadiania - niha ada Jônatas. Jônatas ni-kidiabi'i-ra nava'isohi'iki nahina binamonahavini binofikia.

3 Ni-nahina bioga'iki ida Jônatas va'ajihi'ina.

4-6 Hari. Vakaikahi'aha adani Jônatas arabo namahikia. Jônata bini'a'aha ada kidisa'ai kaiba'iva abono:

Aokha'ava filisteus vakadiania. Deu-ra avigariha adani. Deus haria kakodiaki vahabini bana hari. Deus haria kakodiahi; va'ora adaha adani filisteus kasorarani, aipohirina kaba'i - niha ada Jônatas.

7 Kidisa'ai kaiba'iva abonoa boni'aha:

- Hai oamani. Ba onamonaha ida ikava'ibodivarani'iki. Ira ovaipohihaki bana ho.

8-10 Oniaroa Jônata bini'aha:

- Hai. Aokha'ava vamaakarina mahija haria vanokivini. Haria vani'aha: “Onia vahoja aokharina oadani”, arihojahi. Haria vani'aha: “Hida vikha”, Aokhahi vakadiania. Haria vibaranahavini hiki vakadiania aokhana, aogaki ida Deus filisteus kasorarani-ra va'ora arakhavini asa'a kabodinia - niha ada Jônatas.

11 Hari. Jorakia Jônatas vaabono vananokia'aha, oniani ida filisteus vakadisorara va'ora vakanahahanihavini hija. Vani'aha:

- Vada vakhani. Va'oani Israel kaija'arivikhaonani'aha hodi avavahojaki kania.

12 Filisteus kasorarani va'ora vibaranaha'aha adani Jônatas:

- Hida vikha! anofiki ida nahina a'onira ananokiahivini bana.

Oniania Jônatas kidipohi-ra ni'a'aha:

- Aokha'ava. Deus haria kakodiaki hari va'ora adara kaimoni adani filisteus kasorarani.

13 Hari. Arabo namahikia avigamori'aha. Jônatas, kidisa'ai kaiba'iva abono filisteus kasorarani.

16 Hari. Saul va'ora avanokhokadava'aha'aha va'ora vanokiha adani filisteus kasorarani avakaki'darahanakhama'ina.

- Ianika ida sasidotxi kamakari, oogaja kaimoni ida Deua binofiki.

19 Saul sasidotxi khama vara vakhanina oadani, filiteus vava'i kidakidakaraho'iki. Saul sasidotxi-ra ni'aha:

- Hari'a Deu-ra nana'dohijana - niha ada Saul.

20-23 Hari. Saul, kidisorara khama avikhaha filisteus kasorarani vakadiania, va'ora vanadanodanora kaimoni. Vakaikahi'aha, va'ora vanoki'aha adani filisteus kasorarani vaabono vakodakhamavini.

Hari. Hi'adani Israel kasorara vaabono avanahoja'ikia vakamitha'ihi ida filisteus kasorarani vaki'darahana vamonina. Oniania avikhaonanijoraki'aha adani Israel kasorara, vajoroni'aha, va'ora vanajoikahi'aha adani filisteus. Hari. Deus va'ora kakodia'iki adani Israel kaija'ari va'ora vidara kaimoni adani filisteus kasorarani.

24 Hari. Danodanoi kamahini vanoranoraki adani Saul kasorara. Saul ni-va'ora va'aha'iki nahina hoarani-ra vahavini. Bini'aha:

- Ni-sorara-ra va'ora ova'ahaki vi'baina filisteus va'ora ona'da'diabosiravini adani. Jakaho Deus va'ora napohimjava adani ija'ari nahina-ra vahaki hidakaba'i - niha ada Saul. Oniani ida sorara-ra va'ora no'bairija mahi oadani.

25-26 Hari. Jama bodinia avikhaha adani sorara hahavi, va'ora vanajoikahira kaimoni adani filisteus kasorarani. Ava kania hojaki ida bahina a'bana ipohiki, kaba'i ni-nahina bikaijo'a'iki ida bahina a'bana. Saul kakaabanahi-ra vifini'aha.

27 Hari. Jônatas ni-bioga'iki ida kidiabi'i kakaabanahi. Bikamithavini hiki ida kidiabi'i kakaabanahi hojarina kidiabi'i vahoa-ra kaabanivini kania. Oniaroa, binoki'ihi ida bahina a'bana, bikaijo'ahi, jarona danopa'itxi'aha.

28 Oniaroa, sorara hoarana binava'asohi'aha ada Jônatas kidiabi'i kava'isohihia.

29-30 Jônata bini'aha:

- Ni-asohiki ida kodiabi'i kakaabanahi. Nahina-ra vahavini va'ora va'ahara vaha; ni-vai'ami vajarona binafajafajahaki vaha. Vavai'amina mani ida filisteus kasorara vaipohiki-ra va'ora vanaabiniravini hija. Vi'baira vaha; va'ora vanihimahahavimaniha vaha - niha ada Jônatas.

31-32 Hari. Israel vakadisorara va'ora vida'aha, va'ora vanaki'daraha'aha jaboni adani filisteus kasorarani. Vadanodanona naothinia sorara hahavi vavai'amikaraho'aha. Oniaroa va'ora vagathi'aha adani filisteus vakadi'daama kahidari, vakadi'ovilia vihiki, va'ora vanaabini'aha. Vaha'ihi ida baimana adajoni kaba'i.

- Vada ini'a! Badani Deua bivajaharikia vakabadaniki adani akadisorara. Vahaki ida baimana ama karara'ikia bivahoja'iki.

Oniaroa, Saul bodi'bara'aha:

- Ni-avanaaba'iki ida Deus athi. Hari'a bada vani'a bana hida badani Deus bivajahariki. Hari'a vaha oni baimana ama karara'ikia bivahojaki. Vavikha hida oni avakadigitha mahija avanaabinivini. Vaha oni baimana ama karara'ikia bivahojariki.

35 Hari. A'baina naothinia Saua bianaroisi'ihi ida ja'di Deu-ra khai ni'avini ibavini kaimoni.

36 Hari. Saul va'ora ni'a'aha adani kidisorar:

- Aokha'ava filisteus vakadiania joma kaba'i mahija va'ora adavini, va'ora anaabinihahavira kaimoni. Anikhava ida vakadinahina hahavi akadimoni - niha ada Saul.

- Hai oamani. Ba inamonaha ida ikava'ibodivaraniki asohiki sorara vani'aha.

Oniaroa sasidotxia bini'aha:

- Hari'a kaho. Deu-ra anana'dohi'ava afo'imidia - niha ada sasidotxi.

37 Oniani ida Saul Deu-ra nana'dohivini hija:

- Jahamanija koda ida aokhana filisteus vakadiania va'ora adara kaimoni?

Hari. Deua ni-bigathani'iki ida kidina'dohi.

38-39 Saul va'ora vara ni'aha adani kidisorara vaka'da'diva abono:

- Hida vikha! Nahina vania binamonaha'ia ida hojai Deua bivajahariki? Onofiki ida oogavini. A'onira onava'isohiki ho: Hidakaba'i badani Deua bivajaharikia kabadaniki abiniki. Kodisaia bada bini'ahi hida badani Deus bivajahariki, abiniki ada jaboni - nih ada Saul.

40-42 Oniaroa Saul Deu-ra nana'dohi'aha:

- Hana hina makhira bada bini'aja ida badani asohiriki? Deua binanokia'aha ada Jônatas.

43-44 Saul Jônata-ra nana'dohi'aha:

- Nahina mani ida bada ini'a'ia?

Jônata bigathani'ihi ida kidina'dohi:

- Okaijo'a'iki ida bahina a'bana pa'itxi. Ni-nahina hoariha-ra onamonaha'iki. Okaijo'avini oamani koda bana hida hora vaabinihija?

Saua bini'aha:

- Ha'a. Iabiniki bana i hidakaba'i. Iabinini-ra ohonariarihi; Deus hora napohimajahi - niha ada Saul.

45 Oniaroa sorara vani'aha:

- Iniani. Jônatas va'ora vida'iki adani filisteus vakadisorara akadimoni. Ni-abiniki bana ada Jônatas. Ni-ava'ahaki ida nahina pa'itxi jahariki namithani Jônatas kania. Deus vania dikajoamora'ara ada Jônatas va'ora vidara kaimoni adani filisteus vakadisorara - vakhaniha adani sorara.

Nimamia ida sorara Jônata-ra avakava'ijoavini abinirara kaimoni.

46 Hari. Saul ni-va'ora najoikahijana'iki adani filisteus kasorarani. Va'ajihi'iki adani filisteus vakadiaraboa.