- Hari'a ikaasarajana ada Saul. Arajoma'iki ida Sau-ra ikaasaravini. Ni-onofijanaki ada Saul Israel kaija'ari vakadika'da'di hijanana. Okha'a Belém sidajia Jessé gorana. Onagathogatho'iki ada Jessé kaisai hoarana Israel kaaraboni kaka'da'dini kaimoni hina. Ikanaibavi ida basina ka'da'dia rajomi kaimoni hina. - niha ada Deus.

2-3 Samuea bini'aha:

- Niha oni'oniki bana ho? Saua bikamithahi ida kodibadani; hora naabiniki vahabini bana ada.

Deua bi'aha:

- Iavika ada 'daama kahidari dorona. Ikaikahihi, va'ora nava'isohi bana adani ija'ari:

“Hora rakhaki Deu-ra okanava'igaja kaimoni.” Va'ora naamina adani Jessé mahija hora avakanava'igavini igitha aha'dikia. Naothinia ira onana mithaki ho bada ini'aki kaimonia. Ikanaibavi ida basina kapa'itxi hi'ada makhira ira ohonariavini hiki ka'da'dia - niha ada Deus.

4 Hari. Samuea binaaba'ihi ida Deus kava'isohihi. Okha'aha Belem sidajia. Kaikahi'aha, vaofini'aha adani sidaji-ra vavaka'da'diki. Samue-ra vanana'dohi'aha:

- Jahamanija ida varani ivikhaki?

5 Samuel va'ora ni'aha:

- Ha'a. Jahaki hida. Hora rakhaki hida Deu-ra akanava'igaja kaimoni. Vikana'a avaabosiha'a, avakadimahi-ra vanasohi jaboni mahija kodiania avakhavini, Deu-ra akanava'igaja kaimoni.

Niki vania jaboni va'ora nava'isohiha adani Jessé, kidisai khama. Oniaroa, va'ora naamina'aha Deu-ra vakanava'igavini ibavini kania.

6 Hari. Vakaikahi'aha adani Jessé Samuel kania. Samuea binoki'aha ada Jessé kaisai Eliabe oniki, bikava'ibodivarani'aha:

Hihada makhira Deus viaha hojaki, hadavani Deua binagathogatho'iki vahabini.

7 Deus Samue-ra ni'aha:

- Hari'a ikava'ibodivarani o makhira vada ini'aki. Hi'o makhira ni-onaghatogathoki. Ni-vada oni'aki ida nahina ija'aria vanokiki. Ija'aria vada'aki ida nahina nokiaki. Hovani vada oni'aki ida ija'ari vakadiva'ibodivarani - nihi ida Deus athi.

8 Hari. Jesséa bibaranaha'aha ada kidsai Abinadabe oniki maina. Samuea bini'aha:

- Deua ni-binagathogathoki jaboni hada hihada.

9 Oniaroa Jesséa binaranaha'aha ada Siméia maina. Samuea bini'aha:

- Hi'o jaboni ni-Deua binagathogathoki.

10 Niki vania Jessé kidisai 7 vihiki-ra va'ora vanokiahira afohanana Samuel kania. Samuea bini'aha:

- Deus ni-va'ora nagathogathoki hadani hihadani.

11 Jessé-ra nana'dohi'aha:

- Vahihavimanira hadani kadaisai?

Jesséa bini'aha ada Samuel:

- Ada asia hojaha kodisai kajo'ojahiki ka'oa. Kodi'ovilia-ra va'ora akadava'aki ada - niha ada Jessé.

Samuea bini'aha:

- Ibaranaha'a bana. Kaikahirina oadani, ni-Deu-ra akavava'i- gaki kaho - niha ada Samuel.

12 Hari. Oniaroa, Jesséa bivahonariahi'aha anikhahi hina ada kidisai kajo'ojohiki Davi oniki. Nokiana jahaki ada Davi. Deua vara bini'aha ada Samuel:

- Hadavani mani hihada onagathogatho'iki. Ikanaibavi hida basina kapa'itxi ka'da'dia.

13 Oniaroa Samuea bikanaibavi'ihi ida basina kapa'itxi Davi ka'da'dia igamina vihiki vaviaha. Oniaroa, kama'da'ihi ida Deus Ma'onahana Davi va'i-ra nahonariahihidanokivini afoha'oadaha.

Hari. Ajihi'aha ada Samuel Ramá sidajia.

14 Deus Ma'onahana jahaki akara'o'iki Saul Kania. Deua binokarona'iki ada, ma'nahai jahariki Saul kania kidiva'ibodivarani najaharini hiki kaimoni.

15-16 Kidihonai abonoa vara vani'a'aha ada Saul:

- Ma'onahai jahariki Deua bikarona'iki kadiania kadava'ibodivarani-ra najaharihariki. Haria ihonariahi, anako'diha ada makhira harpa ithoni-ra ogajahakiki. Ma'onahai jahariki iva'ini-ra najaharihi; makhira kidiharpa-ra na'ithoha, iva'ini jahajahava bana vakhaniha adani Saul kahonai abono.

17 Oniaroa Saul vo'ora honariaha adani kidihonai abono:

- Vanako'diha bana ada makhira harpa ithoni-ra ogajahakiki. Vavikha bana kodiania.

18 Honai abono hoarana bini'aha:

- Hojaki ada makhira Belém sidajia Jessé oniki. Kidisaia biogaki ida harpa-ra na'ithojahakivini. Makhira imahidariki ada. Jahaki ida kidivarani. Imakhinava nokiana jahaki ada. Deus hojaki kidiania jaboni.

19 Oniaroa Saua bikarona'ihi ida athi Jessé kaimoni:

- Ikarona bana ada Kadaisai kodiania hi'ada kada'ovilia-ra akadava'aki.

20 Oniaroa Jesséa bikarona'aha ada Davi Saul kania. Bikaronaki jaboni ida vinho, cabrito hoarana, pão kaipohiki kihiki Saul kaimoni. Jumentoa biakaiba'iki ida va'iga Jesséa bikarona'iki.

22 Saua bikarona'ihi ida athi Jessé kania:

- Ovajaha'iki hada hojana hora kabadanira kaimoni.

23 Oniaroa, hoja'aha ada Davi Saul kania. Ma'onahai jahariki Deua bikaronaki Sau-ra najaharihari'avini, Davia bina'ithohi ida kidiharpa. Ma'onahai jahariki akara'oha Saul kania, va'i jahajaha'ianaha ada Saul.