Filisteus kaija'arini vakadiania avikha'aha adani Davi
27
Hari. Davia bikava'ibodivarani'ihi:- Khaki bana ida mahi Saul hora naabinivini kamahini, oniani ida filisteus vakadiaraboa hora arakhaja, Saul hora najoikahijanaria kaimoni. Nikia oa'aihotaki ho Saul sa'a kabodinia.
2 Oniaroa, avikha'aha adani Davi, kidipohi 600 vihiki vaipohina khama filisteus vakadika'da'di Aquis kania.
3 Oniaroa, Davi, kidipohi, vakadigamo, vakadisai vihiki vaibavi'aha afo'imidia Aquis kania, Gate sidajia. Davi va'ora avikha'aha adani kidigamo vi'bamiki Ainoa, Abigail khama.
4 Oniaroa, Saua bikamitha'ihi ida Davi Gate sidajia avigana monini, oniani ida binajoikahijanaravini hija.
5 Hari. Oniaroa, Davi Aqui-ra ni-aha:
- Inofiria koda hida hora iakodiavini? Hora iakodiavini-ra inofihi; hora no'a bana arabo pa'itxia aribavi kaimoni. Ni-asohiki hida kadasidajia arihojana - niha ada Davi.
6 Oniaroa, Ibavi Ziclague onikia bino'a'aha ada Davi.
7 Hari. Oniaroa 16 masiko ipohina vani vahojaha adani Davi filisteus vakadiaraboa.
8 Davi va'ora vanigafani'aha adani nação pa'itxi hoariha kidisidaji maakarinia vahojaki.
9 Ni-ija'ari hoarani aani'iki. Oniaroa va'ora avavikha'aha adani vakadi'ovilia, 'daama kahidari, camelo, vakadimakari hiki.
10 Vajoina varada'ihi ida Aquis gorana. Aquis Davi-ra nana'dohiha:
- Hana hini ibavi maina va'ora inigafanira adani ija'ari? Davia bigathanihi ida Aquis athi:
- Judeus kaija'ari, ija'ari vahoariha vihiki vakadiania aokha'iki hari.
Ni-ka'oa hiki ida Davi kavarani. Ni-va'ora nigafaniki adani judeus kaija'ari. Davia ni-binava'i sohiki ada Aquis nação pa'itxi hoariha-ra vanigafanivini.
11 Hari. Davi va'ora nihimahahavivini hiki, nahina kaminaharia kaimoni. Oniaroa, mahi hahavi filisteus kaarabonia hojana oadani ada Davi, niki ida kidibadani.
12 Aquia bikajari'darihi ida Davi athi, bivajahaki jaboni ada Davi. Aquia bikava'ibodivarani'aha:
- Israel kaija'ari ni-vavajahaki ida Davi kabadani hiki Israel kaija'ari-ra va'ora naabini'imajanivini. Israel kaija'aria ni-vavajaha pa'itxiki, oniani bana ida kodiania bada ni'ana hija.