Filisteua ni-vanofiki ada Davi vadanodanohana vakadiania
29
Hari. Filiesteus va'ora vanajoroni adani vakadisorara hahavi Afeque ibavi onikia. Oniaroa Israel kaija'ari vaabono vanajoroniha vahafonini Jezreel ibavi maakarinia hojaki.2 Hari Filisteus vakadika'da'di, vakadisorara khama avikhananavana. Davi, Aquis vakadisorara khama avikasiagaha.
3 Filisteus vakadida'da'di vahoariha vania vanana'dohiha ada Aquis:
- Nahina mani ida Israel kaija'aria vanamonahaja akadiania?
Aquia bini'aha:
- Hihada Davi 'bo'dakari Saul kasorara vakadika'da'di o. Hojaki ada kodiania badara 'bamiki. Kodiania hoja'ina oadani ni-nahina jahariki-ra namonahaki kodiania - niha ada Aquis.
4 Oniaroa, filisteus vakadika'da'dia vakaihamahi'aha ada Aquis.
Aqui-ra vani'aha:
- Anofiki ida avajoina vaibavia va'ora ino'avini hiki kania. Ni-anofiki ida akadiania vadanodanohana. Adanodanona kaba'i, haria vahabini vanigafaniki bana adani Davi. VAnofiki vahabini ida haria vanigafanivini haria vanaabinivini Saul Davi-ra akariaka'ianara kaimoni.
5 Hihida Davi oamini o vakadikhajoi kania ahiara:
“Saul va'ora naabini'iki adani mil makhira vaipohina. Davi vani ada 10 mil makhira vihiki vaipohina-ra naabini'ara” - vakhaniha adani filisteus vakadika'da'di.
6 Hari. Oniaroa, Aquia bibara-nahaha ada Davi kidiania khara kaimoni. Davi-ra ni'aha:
- Ira oni'avini makhira sohika'oaki ihini-ra okahivini. Ivani, kadaipohi khama a'onira onofiki ho kodisorara khama avarikhani. Kodiania ikaikahibiininini kari ni-onokiki ida jahaki-ra bada ini'avini. Deua bikamithaki hida oathi.
7 Hi'adani filisteus vavaka'da'diva abono vahoariha ni-ira vanofiki bana. Oniania avajoi bana avaibavinia, va'ora inaihamahirara kaimoni adani ka'da'di vahoariha niha ada Aquis.
8 Davi Aqui-ra ni'aha:
- Nahina asohiriki mani ida bada oni'aja? Nahina asohiriki mani ida inokija kodiania kadania okhanona kari? Niha inimanija hora iva'ahariki kadania ookhana, va'ora onadanodanora kaimoni adani ija'ari vakaihamahiki? - na'dohi'aha ada Davi.
9 Oniaroa, Aquia bini'aha ada Davi:
- Ogaki ida kadamahi sohika'oani. Deus ibavi kaija'arini fori ihiki i. Kaba'i, filisteus kasorarani vakadika'da'di vahoariha ni-vanofiki ida iokhani danodanoi kania.
10 Onofiki ida mahi avagarini oadani igamani, ivani, kadaipohi khama avarajoini - niha ada Aquis.
11 Oniania mahi avagarini oadani vigama'aha ada Davi kidipohi khama. Oniaroa vajoi'aha vaibavia. Filisteus kasorarani avikha'iki Jezreel ibavi onikia, va'ora vanadanodanora kaimoni adani Israel kaija'ari.