Davi va'ora vanajoikahiha adani amalequita kasorarani
30
Hari. Oniaroa, mahi 'bamikivaadahana naothinia vakaikahiki adani Davi vakadisidaji Ziclague onikia. VAkaikahi'aha vakaraga'ihi ida vakadisidaji aha'di'ini. Davi, kidisorara khama vahojarina oadani, vikha'aha adani amalequita kaaraboni kaija'arini. Va'ora visaari'aha adani ija'ari vahojaroniki, vakadinahina hiki. Visaarivini naothinia avanaha'dihahavi'ihi ida sidaji.2 Amalequita kaija'arini va'ora avavikhahahaviha adani gamo, isai, ija'ari na'arihavi vihi'iki. Ni-hoarani abini'iki, va'ora avavikhaka'oaki adani.
3 Oniaroa, Davi sidajia vakaikahina kania vanoki'ihi ida sidaji aha'dihahavi'ini. Gamo, vakadisai hahavi vihiki-ra va'ora avavikha'iki adani amalequita kaija'arini.
4 Oniaroa, Davi vakadigamo, vakadisai vihiki-ra va'ora vakaasaraha'oadaha'aha. Vaasaraha'oadahana mani ida vajarona nafajafajahani hija.
5 Amalequita kaija'arini va'ora avavikhaki jaboni adani Davi kagamo vi'bamiki Ainoã, Abigail khama.
6 Hari. Oniaroa, Davi ipohina vava'i mokara niki vakadisai-ra vanakaidivavini, oniani ida Davi-ra vanaabinivini-ra anofivini hija. Oniaroa, Davia bikava'ibodivaranikarahohi ida ipohina vanaabinivini vanofivini,kaba'i ni-bikajari'daki ada Deus, oniani ida khai ni'a'ianana hija.
7 Oniaroa, Davia bini'aha ada Abiatar:
- Ianikha ida sasidotxi vakadika'da'di kamakari, oogaja kaimoni ida Deua binofiki akadiania niha ada Davi.
Oniaroa, Abiata biavikhahi ida sasidotxi vakadika'da'di kamakari Davi kania.
8 Davia binana'dohi'aha ada Deus:
- Jahamania koda ida amalequita kaija'arini-ra va'ora anajoikahivini? Va'ora okaitoniamanira koda bana adani? Deua bigathani'ihi ida kidiana'dohi, bini'aha:
- Ba avikha. Va'ora avakaitoniaki adani. Va'ora avakaabokaki adani va'ora avavikhaki-ra va'ora avavajoivini. Va'ora avarakava'ijoaki adani kadaija'ari amalequita kaija'arini vasa'a kabodinia - niha ada Deus.
9 Jorakia avikha'aha adani Davi, kidipohi 600 makhira khama. Avakhano'aha vaha Besor onikia.
10 Vaha kania vahojaroni'aha adani 200 vihiki makhira vaipohina. Va'ora nahojaroniki vajarona fajafajahani, ni-vakaabokaki ida avikafianina. Oniaroa, avikhaha adani 400 makhira vaipohina Davi kania, va'ora vanajoikahira kaimoni adani amalequita kaija'arini.
11-12 Mitihini vani vakaraga'aha ada makhira. Egito kaaraboni kaija'arini ada. Adariki ada hagihi vadinia. Adarina naothinia mahi ahoarabakosikia 'bairina hojana, ni-paha-ra aaviki jaboni. Avavikha'aha Davi kania. Oniania vano'a'aha 'bai, paha hikia. 'Baina naothinia jarona ahokihapa'itxi'aha.
13 Oniaroa, Davia binana'dohi'aha:
- Nahina kahonai abono i? Hanaja ikhaja?
Makhira bini'aha:
- Egito kaaraboni kaija'arini ho. Amalequita kaija'arini kahonai abono ho. Mahi ahoarabakosikia hora vanahojaha'iki adani. Okavamonina mani ida hora vanahojahavini hi'ia.
14 Aokhana Querete kaija'ari, Judá kaija'ari, Dalebe kaija'ari vihiki vakadiaraboa, va'ora abo'diara kaimoni. Anaha'di'iki jaboni ida sidaji Ziclague oniki - niha ada Egito kaaraboni kaija'arini.
15 Oniaroa, Davia bini'aha:
-Inofimania ida haria iavanamithahavini bo'di abono vakadiania?
Egito kaaraboni kaija'arinia bigathanihi ida Davi athi:
- Deu-ra inava'iponirihi hora inaabiniravinia, hora iarakharavini jaboni kodika'da'di kania; ira oavanamithahahi amalequita kaija'arini vavahojaki kania - niha ada makhira.
16 Hari. Oniaroa, va'ora avikha'aha bo'di abono vakadiania. Avakhanona, va'ora vanokiha adani amalequita kaija'arini vahoarahanana vi'baina, vako'avahana, vakaihinikana jaboni, khai vakhanina, vakadibo'di-ra khai vani'avini.
17 Oniaroa, Davi va'ora vanigafani'aha, va'ora vanihima'aha. Avaihota'iki 400 vihiki imakhinava vaipohina camelo vanamana avikha'iki. Vahoariha vaihimika'oa'iki.
18 Oniaroa, Davia binajoiki ida nahina hahavi amalequita kaija'arini vabo'dia'iki. Va'ora anaihota'iki jaboni adani kidigamo vi'bamiki, kidipohi kaija'ari hahavi vihiki.
19 Davi ipohina va'ora vagathani'iki adani vakadigamo, vakadisai, vakadinahina hahavi. Ni-nahina kainamo'iki.
20 Davi jaboni va'ora avavikha'aha adani 'daama kahidari, ovilia vihiki amalequita kaija'arini va'ora vavahojaki. Oniania ija'aria vani'aha:
- Davi kanahina hida.
21 Hari. Oniaroa avajoi'aha adani Davi. Avanamaakari'ihi ida vaha makhira vakoikia vavahojaroniki kani. Hi'adani vahojaharoniki va'ora avanoki'aha adani Davi vikhana, oniania va'ajihi'aha Davi-ra va'ora vakaragararihara kaimoni. Oniaroa, Davi va'ora ka'ivani'aha.
22 Hari. Davi ipohina vakadiania vahojaki adani makhira vakadihojai jahariki. Vani'aki ada Davi:
- Hi'adani 200 makhira vaipohina ni-akadiania avikhaki, oniani ida nahina-ra vagathaniravini hija bana. Vakadigamo, vakadisai vihiki ka'oa vani-ra vagathanira bana adani. Va'ora vagathanivini naothinia jahaki ida ai vihina - vakhaniha adani, akhira vakadihjai jahariki.
23 Davi va'ora ni'aha adani makhira nikia vakavaraniki:
- Kodiva'ahi, hari'a nikia vakabadani bana. Deus vani haria no'avini hija hida nahina hahavi akadimoni. Deus haria akava'ijoaki jaboni hari. Deus vani va'ora arakhara adani bo'di abono asa'a kabodinia.
24 A'onivani ni-avarasohiki. Akadinahina agathaniki kapitakhamani kamahini, hi'adani avikhaki danodanoi kania vagathaniki pitahani. Hi'adani akadinahina-ra avakadava'aronikia vagathaniki jaboni ida pitahani onivani fori hiki.
25 Hari. Oniaroa, Davia binakama'ba'ihi hida hojai Israel kaija'ari vakadiania. Sorara vakadinahina-ra avakadava'akia vagathaniki jaboni ida nahina visaari'iki pitahani.
26 Hari. Vakaikahina Ziclague sidajia, Davia binapita'ianahi ida nahina, bikarona'ihi kidiva'ahi Judá kaarabonia vahojaki vakadimoni hini. Bikarona'ihi jaboni ida athi:
- A'onira okanava'igavini hiki hida Deu-ra vavava'ihariki vakadinahina osaari'iki.
27-31 Oniaroa, ibavi ipohikia bikarona'iki ida va'iga kidiva'ahi vakadimoni, hi'adani ija'ari Davi-ra vaakodia'bo'da'iki Saul kania ogana oadani.