Mordecaia bikanikhariaki ida Ester va'ora akava'ijoavini
4
Hari. oniaroa, Mordecaia bikamitha'ihi ida honari athini. Va'i mokara nini mani ida kidimakari-ra na'biravini hi'ia. Bikaimaha'ihi ida makari jarojaroki, bikanaibavi'ihi ida siho ka'ofoni 'da'di a'ania asarana abarariariana adaha'aha sidajia.2 Arabo kaka'da'dini gorana karaho banininia akhano'aha, ni-o'oi'iki. Ija'ari makari niki-ra kaimahaki ni-bikaabokaki ida okhajakosini. Ni-gora akavava'ava abonoa vava'ahaki.
3 Hari. Ibavi hahavia okha'okhaoni'ihi ida honari. Judeus kaija'ari athii 'barakia vabarariaaki, vaasara'ina. vi'bairina vahoja'aha. Vakaimahahi ida makari jarojaroki, vavithima'o'aha siho ka'ofoni kana afohanana.
4 Hari. Ester kahonai abnoa vani'a'ihi:
- Mordecaia bikamahaki ida makari jarojaroki. gora karaho banininia hojaki ada - akhaniha. Ester ni-biogaki kaho ida honari athini, oniani ida Mordecai-ra kakaronavini hija makaria. Ni-bigathaniki.
5 Hari. Oniaroa, Ester bhonariaha ada kidihonai abono Hataque oniki Mordecai kania okhaonanina, binana'dohihara kaimoni kidihojai nahina kaimoni hinia.
6-7 Hataquea binako'dihaha ada Mordecai ija'ari vavaadahaki ibavinia, ka'da'di gorana karaho binininija hojaki. Bikaragaha, binana'dohiha Ester kana'dohia. Oniaroa,Mordecaia binaa'isohi'aha ada Haaque honari athini bikamitha'ikia. Binava'isohivini hihi jaboni ida jiniro ipohini niha fori hini Hamã biobaivini arabo kaka'da'dini kajiniro bavinia judeus kaija'ari vaihimina abosini.
8 Mordecaia bino'a'aha ada Hataque honari jirik kapapirani Susã sidaji kaja'arini vakadiania varavavani'a'ikia, hi'oni honari judeus kaija'ari hahavi vaabinina-ra vahonariahiki. Mordecaia bikanikhariaha ada Hataque:
- Ester kania iarakha'a bana hida papira. Inava'isohijahakivinihi bana ida nathaki kaimoni judeus kaija'ari vakadiania.Ikanikharia banaida ester mahija kidimakhira-ra vara ni'avini judeskaija'ari-ra va'adira kaimoni.
9 Oniaroa, Hataquea binaaba'ihi ida Mordecaia bikanikhariavini hi'iki.
10-11 Vara vakhanina naothinia Ester bihonaria'ianaha ada Hataque Mordecai-ra nava'isohira kaimoni:
- Mordecai, arabo kaija'arini hahavia avigaki hida akadihojai arabokaka'da'dini gorana bodinia. Arabo kaka'da'dinia bibaranaharaini oadani ida ija'ari, ni-makhira, ni-gamookhaki kidiania. Kidihonari athini hida:
“Ka'da'dia bikaboa'iravini oadani ida ija'ari, o'oihi; abinihi. Ka'da'diabinokihi ida ija'ari khani kidiania, abinini-ra nofirihi; kidisa'ai ka'ouroki-ra anairahi ija'ari kania, oniania sorara biva'adihi ida ija'ari. Nimania ida akadihojai gorana bodinia. Radaha'aha hada masiko hoarana, ni-hora baranahaki.” Mordecai-ra nava'isohiha bana hihida oathia - nihi ida Ester.
12-13 Mordecaia mitha bini'a'ihi ida Ester athini kidihonai abonoa bivikha'iki. Bikarona'ianahi ida athi joiribanini:
- Ester, ka'da'di gorana ihojani kaba'i, hari'a ikava'ibodivarani ida iabinirini. Judeus kaija'ari ihini mani ida ira naabinija bana jabonni.
14 Ni-jahapa'itxiki ida apohimajana-ra vara ivani'aravini kadamakhira kania. Ikajonihi ida inanamithavini; Deus vani haria kajoamoraja bana. Ovari haria akava'ijoaki bana hari. Ikajonihi ida haria ikajoamoravini; iabinihi, kadabi'i kohana kaija'ai hahavi vaihimaki jaboni. Ni-aogaki. Deus vahabinia biva'aha'iki ida arabo kaka'da'dini kagamo ihini, haria iakava'ijoaki kaimoni - nihi ida Mordecai athi.
15-16 Oniaroa, Ester bihonariahi ida athini Mordecai kania:
- Va'ora vanajoroni'a bana adani judeus kaija'ari Susã sidajia vahojaki. Mahi ahoarabakosikia avi'bairini vahoja bana. Mahi joma hari'a vi'bai, ni-nahina-ra avi'aviki jaboni mahija Deus hora kajoamoravini-ra avakanikhariavini. Hovani, kodihonai abono gamo vihiki a'bairina arihojaki hari jaboni. Mahi ahoarabakosiki radahani naothinia ookhamiki bana ho arabo kaka'da'dini kania. Asohirini kaba'i hora kaboa'iravini ookhana, ookhaki ho. Oabinina-ra vahonariahiha; oabinihi - nihi ida Ester athini.
17 Hari. Oniaroa, Mordecaia binaabahahavi'ihi ida Ester bihonarivini hiki.