Abini'iki ada Hamã
7
1-2 Hari. Oniaroa, avikhami'ianaha adani arabo kaka'da'dini, Hamã khama vi'baina 'bai jahaki Estea binaibavijaha'iki kania. Vi'avi'ianahi ida vinho. Kidimakhira binana'dohi'ianahi ida Ester:- Nahina mani ida ikanikhariaja kodiania? Ikanikharia bana hida inofiki. Kodinahina pitani-ra inofihi; ira ono'ahi.
3 Estea bigathanihi ida kidina'dohi:
- Kodika'da'di, hra inofijahakihi, kodikanikhari ira khai ni'ahi; onofiki bana ida kodimahi-ra iva'adivini, kodija'ari vakadimahi-ra iva'adivini jaboni.
4 Pavakari arihi'iki fori arihiki hari, haria vanihimavini-ra vanofiki hari. Ija'ari gathaki pavakari kaimoni arihija vaha; ni-ira onadabaki kodivarania - nihi ida Ester.
5 Xerxea binana'dohi'ihi ida Ester:
- Hana hina makhira bikava'ibodivaranija hida a'onira nihimavini? Ada hanajaroha hojaha koda?
6 Haria vajahariki hada Hamã jahari. Ovaria binofiki ida kodija'ari-ra nihimavini - nihi ida Ester. Imahidakaraho'aha ada Hamã. Vada va'ora ni'aribani'aha adani arabo kaka'da'dini, kidigamo khama.
7 Hari. Va'i jokojokokaraho'aha ada arabo kaka'da'dini, okhaonani'aha vavi'baiki ibavinia, gora banininia okha'aha. Hamã abono-ra kava'ibodivarani'iki pohimajana Xerxea bivahonariahivini bana, oniani ida Ester-ra kanikhariavini hija kidimahi akava'ijoani hini.
8 Oniaroa, Ester vithi ibavinia abono-ra osana'aha ada Hamã bikanikhariaja kaimoni ida biakava'ijoavini. Ester kania abono-ra osonavini kaba'i joi'aha ada arabo kaka'da'dini vakadiania. Hamã-ra vada ni'a'aha, bini'aha:
- Bikanabadanihamaniki koda hida kodigamo oviaha ogorana bodinia?
Hari. Vara nina naothinia arabo kaka'da'dini kahonai abonoa vakarahoba'ihi ida Hamã nokho.
9 Honai abono Harbona onikia binava'isohi'aha ada vakadika'da'di:
- Kodika'da'di, Hamã gorana maakarinia hojaki ida ava oadaki gaamananiki. Hamã bivahonariahi'iki ida varagaamananivini Mordecai abinina va'a ganarina kanabidi akanaforaja kaimoni. Hi'ada Mordecai ira akava'ijoa'iki - niha adahonai abono.
- Vanaabini'a o Hamã va'a ganarina kanabidi akaforara kaimoni ava gaamananikia - va'ora honaria'aha ada arabo kaka'da'dini.
10 Oniaroa, avavikha'aha ada Hamã ava gaamananiki kania, avakanafora'ihi ida kanabidi. Oniaroa, radaha'ihi ida arabo kaka'da'dini va'i jokojokoni.