Xerea bikarona'ianaki ida honari hoariha
8
Hamã abini'ina naothinia Xerxea bino'a'ihi ida Ester Hamã kohana kanahina, kidiarabo, orana hiki. Ester binava'isohiki'aha ada kidimakhira Mordecai bikanaisaihavini pa'itxini kari. Bivakha'aha ada Mordecai arabo kaka'da'dini viaha biogara kaimoni ada Mordecai.2 Arabo kaka'da'dini biani'aha ida kidisa'avithinahi sa'a, Mordecai-ra no'a'aha. Xerxea bisari'iki ada sa'avithinahi Hamã kohana sa'a abinina bivahonariahivini viahania. Hari. Ester bino'a'aha ada Mordecai badania, biakadava'aja kaimoni ida Hamã kohana kanahina hahavi gahinana hi'iki.
3 Oniaroa, Ester abononi sonarari'ihi arabo kaka'da'dini 'dama viaha, asarahi, bikanikhariahi ida honari jiriki-ra na'biravini, kidija'ari vaabinirara kaimoni.
- Hari'a iva'aha bana ida HAmã kohana binofiki-ra baa vani'avini - nihi ida Ester.
4 Arabo kaka'da'dinia binavira'ihi ida kidisa'ai ka'ouroki Ester kania. Gamamanani'ihi ida Ester gaa'ihi viaha.
5-6 Bini'aha ada kidimakhira:
- Kodika'da'di, kodivarani-ra khai ini'ahi; hora ikajoamoravini-ra onofihi. Asohiki hida kodikanikhari kadania, inamonaha bana hida honari hoariha Hamã kahonari-ra ianahoarihavini. Binofiki ida judeus kaija'ari hahavi kadaraboa vahojaki vaabinina. Ni-okaabokaki bana ida kodija'ari, kodiabi'i kohana kaija'ari vihiki vaabinina vamonina..
7 Arabo kaka'da'dinia bini'a'ihi ida Ester:
- Hamã abinina-ra ovahonariahivini hiki judeus kaija'ari-ra nihimavini-ra nofivini.. Ira ono'avini hi'iki ida kidinahina hahavi.
8 Ni-okaabokaki ida honari jiriki-ra oanahoarihavini. Onamonahahi ida honari jiriki, onaibavi'ihi ida rajomi kodisa'avinithinahia hojaki. Ni-hovani, ni-ija'ari hoariha bikaabokaki ida honari jiriki-ra anahoarihavini. Hojahaha'oadahahi ida honari. Kaba'i, papira hoariha-ra inajirivini-ra inofihi; inajiri bana mahija judeus kaija'ari vaibavia ikaronavini. Onaibaviki bana ada kodisa'avithinahi karajomihi papira jiriki ja'dini kania kadaija'ari avigaja kaimoni ida oathi ka'oa hini.
9 Namitha'iki ida arabo kaka'da'dinia bivava'isohihiki. Mordecai va'ora baranaha'aha adani papira najiriva abono.. Xerxes kabadani abono vihiki adani. Va'ora nava'isohi'aha varania vanajirija kaimoni. Avarakakosi'ihi ida varani athii ipohikia arabo kaija'arini hahavia vavaathiki. Ija'ari vaibavi hahavia athii avikhava abono avavikha'ihi ida athi jiriki. Vâipohi'oamanira adani ka'da'di Xerxes kaarabo kaija'arini-ra avakadava'aki. Vakadiania, judeus kaija'ari vakadiania jaboni okha'okhaoni'ihi ida Mordecai athi jiriki.
10 Mordecaia binaibaviki ida Xerxes onina papira kania, bikarajomi'ihi sa'avithinahi karajomihia. Va'ora karona'aha adani athii avavikhava abono Xerxes kacavalo vaipohiki namana vaadahana, jorakia avikhara kaimoni.
11-12 Nimania ida papira athini bikarona'iki:
- Judeus kaija'ari vajoronina-ra vanofiha; jahaki ida vajoronina vaabono avakava'ijoara kaimoni. Vahariha vanofiki bana ida judeus kaija'ari-ra vanapohimahimajavini, va'ora ova'ahaki bana adani judeus kaija'ari vaabono vana'da'diabosivini. Ova'ahaki ida vakadinahina judeus kaija'aria visarivini, vakadisai, vakadigamo vihiki jaboni va'ora vanihimavini. Okanamahiki bana ada masiko adar oniki mahi 13 oniki bada vani'aja kaimoni hida oathi. nimania hida Xerxes athi.
13-14 Onofiki hida honari ija'ari hahavia mitha vani'avini vanabaja kaimoni. Akarafarakhama'ihi hida honari afojora judeus kaija'aria vakaabokaja kaimoni ida vaabono avakava'ijoavini, vaaabono vana'da'diabosivini. Xerxes kahonai abonoa ara vavani'a'ihi ida honari jiriki athi 'barakia Susã sidajia.
15 Oniaroa, arabo kaka'da'dini gorana okhaonani'aha ada Mordecai. Bikaimahahi ida makari koriki, vaforiki arabo kaka'da'dini kamakari fori hiki. Ka'da'dia kahoja'iki ida kajamari kaka'ouroki. Makari hoariha namania hojaki ida makari linho oniki adani Susã sidaji kaija'arini.
16 Khai vakhani'ahapikiki adani judeus kaija'ari. Ija'ari vahoariha va'ora vavava'iha'aha. Varani jahakia vara va'ora vani'a'aha.
17 Ija'ari ibavini hahavia ija'ari mitha vani'ahi ida honari hoariha, khai vakhani'aha. Judeus kaija'aria vanamonaha'ihi ida 'bai jahaki vi'baijabana'aha. Vapohimajajanarina monini va'ora khai ni'a'aha. Ija'ari vahoariha va'ora vifiniki adani judeus kaija'ari. Vanofiki ida judeus kaija'ari vihina.