Gora katokini namania nokiaki ida jirihi
5
Hari. Oniaroa, arabo kaka'da'dini Beltsazar maina Babilônia kaarabonia hojaki. Beltsazar bivahonariahi'ihi ida ihinika karaho amonahani. Va'ora baranaha'aha adani kidija'ari vakanahina'ahapikiki vikhana, vi'avija kaimoni ida vinho kidiania.2 Vaipohiki adani kanori abono. Ka'da'di, kariva vihiki adani vakanahina'ahapikiki. Vakadigamo ka'oa va'ora vavikhaki. Gamo vahoariha, vakadigamo fori vihiki jaboni. Vinho-ra vi'avinini kaba'i, Beltsazar bivahonariahihi ida vinho bavini anikha'ahini. 'Bo'dakari kidiabi'i Nabucodoosoa bisaariki ida vinho bavini ipohiki Deus khai ni'ana kagorani bodinia. Ouro, prata hikia amonahaki ida bavi ipohiki Jerusaléa kha'iki. Hari. Beltsazar binofi'ihi ida bavi anikha'ahini kidikanori abono vakadibavi hija kaimoni.
3 Oniaroa, Beltsazar kahonai abonoa vavikha'ihi ida bavi, copo hiki ouro amonaha'iki 'bo'dakari Deus khai ni'ana kagorania hoja'iki Jerusaléa. Beltsazar, kidikanori abono khama vi'avi'ihi ida vinho, hiva'oani kidigamo ka'oa vihiki, kidigamo fori vihiki, ija'ari vakanahina'ahapikiki vihiki vavi'aviki ida vinho bavi ouro amonahakia.
4 Vinho-ra vi'avivini kaba'i, khai vani'a'ihi ida deus amovana ipohiki. Ouro, prata, bronze, ferro, ava, ja'di hikia amonahaki ida deus amovana afohanana.
5 Khai vakhanina vani kanokiajoraki'ihi ida ija'ari sa'ani gora katokini bodinia kajirihani. Lamparina kaathiraki vagani kania nokia'ihi ida jirihi. Arabo kaka'da'dinia vada bikani'ahi ida sa'ai jirihi-ra kanamonahavini.
6 Amari'ihi ida Beltsazar nokho. Rapatakarahona mani ida kajo'atha, avana hiki natharararani hija.
7 Oniaroa, arabo kaka'da'dini va'ora baranaha'aha adani oogavahariki-ra avigaki anikha'ahi vihina. Va'ora avavikha'aha adani namitha'iariki-ra avigaki, boviri rajomi hina-ra avigaki, kaijorahi-ra avigaki vihiki Babilônia vahojaki. Beltsazar kania vakaikahina vani va'ora ni'aha:
-Ija'ari hana hinia bikaabokaki oni hi'oni athi jiriki-ra dionivini, biogaki jaboni oni jirini nahina hini hora nava'isohija kaimoni, onaabosiki bana ada. Kidivarani abosini ida arabo kaka'da'dini kamakari nadaraki kaidivaki-ra kaimahavini. Biakanabidihaki jaboni ida ouro ka'ohihi. Ovahonariahiki bana ada arabo kaka'da'dini hina. Onaothinia, ka'da'di hoariha naothia, kasiagaki bana ada jiri'iki-ra ogaki.
8 Oniaroa, vikhajakosi'aha adani ogahai abono sala karaho bodinia. Vada vani'a'ihi ida jirihi toki namania hojaki. Ni-vakaabokaki ida jiriki athini-ra vidionivini. Ni-avigaki ida athi nahina hini.
9 Arafia'iki ida arabo kaka'da'dini imahidana. Amariki ida nokho. Vava'i kidakida'aha adani kidikanori abono.
10 Hari. Oniaroa, o'oi'ihi ida Beltsazar kaamia. Bikamitha'ihi ida kidisai, kanori abono vihiki vaathi 'baraki, oniani ida sala kania ani'oini hija. Kidisai-ra ni'a'ihi:
- Kodisai, arabo kaka'da'dini i. Anokhomiriva ida kadamahi. Hari'a iimahida. Hari'a inokhoni amariva.
11 Ada hojaha makhira ogahaki kaarabonia. Deus Ma'onahana jahaki hojaki kidiania. Kadabi'i kohana hokina kari bikaijo'a'iki ida DAniel ka'ogahai. Deus ipohiki avigahana fori hiki ida kidi'agahai. Kadabi'i Nabucodonosoa bihonaria'iki ada avigahaki hahavi-ra vaka'da'divini. Va'ora vaka'da'dimaniha adani arabani, boviri rajomi hina-ra avigaki, kaijorahi-ra avigaki, nahina namitha'iariki-ra avigaki vihiki.
12 Kadabi'i kohana binaoni'aha ada Daniel Beltessazar. Bikava'ibodivaranijahakiki ada. Bikaaboka'iki ida nahina vahoariha avigariki-ra ogavini. Bikaabokaki ida ija'ari-ra nava'isosohijahakivini agavaharikia. Biogaki ida vadami nahina hini. Biogaki ida athi oogavahariki nahina hini jaboni. Ibaranaha'a bana ada Daniel Mahija jirihi oogavaharikia ira nava'isohivini.
Daniea bivava'isohihiki ida athi oogavahariki
13 Hari. Oniaroa, bivahonariahiha ada Daniel baranahi hi'ina. Kha'ina vani arabo kaka'da'dinia bini'aha:
- Ivani Daniel mani i? Kodiabi'i kohana va'ora vavikha'iki adani vagathaki Judéia kaarabonia, ihojamani'ia vahararana?
- Ha'a Daniel ho. Judéia kaarabonia okha'bo'da'iki ho.
14 Okamitha'iki ida varani ihini deus vama'onahana hojaki kadania. Ikaabokaki ida nahina oogavahariki, nahina ahojaki hiki-ra ivava'isohihivini nahina hini. Kada'ogahai vahoariha vakadi'ogahai-ra aradakarahoki.
15 Hari. Va'ora obaranaha'iki adani ogahai abono, nahina namitha'iariki-ra avigaki vihiki vikhana kodiania, hora vanava'isohira kaimoni oni hi'oni jirini nahina hinia. Ni-vakaabokapa'itxiki.
16 Daniel, okhamitha'iki ida varani ihini. Ikaabokaki ida nahina oogavahariki, nahina ahojaki hiki-ra ivava'isohihivini. Ira vara vavani'a'iki adani. Onaabosiki bana oni hi'oni athii jiriki-ra idionivini, nahina hinia hora inava'isohivini. Ikaabokaki ira ono'avini hihi ida makari nadaraki kaidivaki ikaimahaki kaimoni. Ira ono'avini hiki bana ida ouro ka'ohihi iakanabidihaja kaimoni. Ovahonariahiki bana ida arabo kaka'da'dini ihini. Homiro'a arabo kaka'da'dini ohina, hoariha o'bamina hina naothinia ivani arabo kaka'da'dini ihiki bana i - niha ada Beltssazar.
17 Oniaroa, Daniea bigathani'ihi ida arabo kaka'da'dini athi:
- Ni-onofiki hida varani-ra inaabosivini. Ba ivani ivahoja ida abosini. Ba vahoariha-ra va'ora no'avinihi bana ida abosini. Kaba'i, vara ira oni'avini hiki bana ida athi jiriki toki kania hojaki. Ira onava'isohivini hiki jaboni bana oni athini nahina hini.
18 Kodika'da'di, Deus nama hojakia bihonaria'iki ada kadabi'i kohana Nabucodonosor kidibadania. Biva'aha'iki ida arabo kaka'da'dini hina. Deus Nabucodonosor-ra no'avini vihi'iki adani ija'ari vaipohiki va'ora vaka'da'dira kaimoni. Ija'ari vaipohikia aviga'iki ida kadabi'i onina. Kidimakari nokiani jahaki, gorana karaho kaidavaki-ra vahojaki ada.
19 Deus vania bivahonariahira ada nina hojana. Ka'da'di danoki hina mani ida ija'ari hahavia vifinivini hi'ia. Arabo hahavi, nação hahavi, athii vaathiki hahavi vihiki adani vaofini'inia. Kadabi'ia binofihi ida ija'ari abinini; bivahonariahimanihi abinini. Binofihi ida ija'ari-ra va'adivini; biva'adimanihi. Binofihi ida ija'ari vaipohina-ra va'ora honariavini; bivahonariahiha va'ora vaka'da'divini. Binofihi ida ija'ari va'ini-ra anaipahihivini; bianaipahihimanihi.
20 Nahina binofiki, bikaabokaki, oniani ida abono-ra vaboraborahavini hi'ia. Ni-bikamithajanaki ida hoariha kava'isohihi. Ni-Deua biva'ahajanaki ida arabo kaka'da'dini hina. Ni-biva'ahajanaki ida kidinahina jahaki kaidivaki-ra vahojavini.
21 Ija'aria avakakoja'iki ada kadabi'i kohana vakadiania. Kidiva'ibodivarani igitha adahaki kava'ibodivarani ihi'iki. Burro amasia avakaadahakhamaki vakadiania hoja'iki ada kadabi'i kohana. Biha'iki ida hogoi 'daama kahidari fri hi'ina. Ahakabara bina'babakhia'iki ada. Hari. Deus ka'oa nama hojaki-ra vara ni'aravini hojaha. Naothinia Deus ka'oa ija'ari-ra kaabokaki-ra vara vani'a'aha. Deus oavania bihonariaja ida ija'ari ka'da'di vihina, ka'da'di vihirina.
22 Ivani, kidisai i. Iogavini kaba'i ida namitha'iki kidiania, ni-Deu-ra ikaipahiki.
23 Ikajoniki ida nahina Deua binfiki kadania. Ivahonariahi'iki ida bavi, copo hiki-ra vanikhavini, hi'oni copo 'bo'dakari Jerusalém Deus khai ni'ana kagorani bodinia hojaki. Ivani kadagamo, kadagamo fori vihiki, ija'ari vakanahina'ahapikiki vihiki vakadiko'avahi bavini hiki copo. Khai avani'aki ida deus amovana ipohiki, prata, ouro, bronze, ferro, ava, ja'di hikia amonahaki ida afohanana.
24 Ni-deus amovana bikaabokaki ida nokho 'ba'dahana, ni-bikaabokaki ida nahina-ra kamithavini, ni-va'i bodinia vara niki. Ni-Deus ka'oa-ra khai avani'a'iki. Ovaria bivahojaki ida kadamahi sa'a kabodinia. Ovaria bivahonariahiki ida hahavi namithaki kadania. Ovaria biakarona'iki oni hi'oni sa'ai toki namania kaijirihani.
25 Nimania hida athi jiriki: Mene, Mene, Tequel e Parsim.
26 Ovava'isohihiki bana ida nahina hini. Mene: Deua birajoma'iki ida kadamahi ipohini ija'ari-ra ivaka'da'divini, biananokhomiki ida mahi ipohini.
27 Tequel: Deus ira akanaviroki fori ihiki i, ni-arajomaki ida kadahojai jahani.
28 Peres: Akapitakhama'iki ida arabo ivaka'da'diki. Pitani medos kaija'arini vihiki vakadimoni. Pitani persas kaija'arini vihiki vakadimoni. Arabo kaka'da'dini ihijanaria kaimoni - niha ada Daniel.
29 Oniaroa, Beltssazar va'ora honariavini hi'aha adani honai abono makari nadaraki kaidivakia Danie-ra vakanamakavini. Vanaibavi'ihi ida ouro ka'ohihi nabidia. Va'ora vanava'isohiha adani vahoariha Daniel arabo kaka'da'dini hina kaimonia, Beltssazar, hoariha khama, kasiagaki ada Daniel.
30 Hi'ida joma arabo hoariha kaka'da'dini kasorarania vanaabini'aha ada Beltssazar.
31 Ka'da'di aja'dina hiki onina Dario. Ovari va'ora vaka'da'diki adani ija'ariMédia kaarabonia vahojaki. 62 Badara ipohiki-ra vahojavini vani kama'da'ihi ida Babilônia kaaraboni-ra vaka'da'divini.