Vadamia Daniel va'ora noki'iki adani igitha adanoki vibamiki
8
Hari. Badara 'bamiki radahani naothinia asia Belsazar Babilônia kaaraboni kaija'arini-ra va'ora vaka'da'diki. Oniarokari oniki'ianahi idavadami fori hiki hoariha.2 Vadamia ohoja'ihi Susã kavasiribanaonini bodinia. Ulai vaini oniki vadinia ogaakosoa'ihi.
3 Jorakia onoki'aha ada carneiro vaini maakarinia. Carneiroa bavahojaki idamorobo 'dakhaki oadaki 'bamki. Morobo 'dakhaki hoariha avijavani ja'dinikia biaradaki ida hoariha oadani oniaro miro'a nokiaki.
4 Vada oni'avini vani carneiroa biakamoroboi'ihi idanahina hahavi maakarina hojaki. Safini aagari kaniaja biakamoroboi'ihi. Safini aagari kajasonija, ka'aniajani hikia biakamoroi'ihi. N-ija'ari, ni-igitha hoariha bikaabokaki ida morobo 'dakhaki va'ora vidavini. Bada bini'ahahaviki ida binofiki. Avijava'iki ida danona.
5 Hari. Vada oni'avini okava'ibodivaranivini oadani bode maina-ra oniki'ihi. Safini aagari kaniaja ka'aha. Ki'daraha'aha. Ki'darahana jorani mani ida arabo namania naadaharina hija. Bodea bivahojaki ida morobo oadaki 'dakhaki hoarani ka'oa. Nokho arabonia hoja'iki ida morobo 'dakhaki.
6 Carneiroa bivahojaki kania ki'darahaha, ihamahikaraho'ina biakamoroboidanoki'aha.
7 Vada oni'a'iki ada bode ihamahiki carneiro-ra davini. Bi'dani'ihi ida carneiro morobo 'dakhaki afo'bamakhama. Ni-carneiroa bikaabokaki ida abono-ra akava'ijoavini, ihimika'oamanihi ida danona. Bodea bisonarariha ada carneiro, bikada'aha'ahaha. Ni-ija'aria bikaabokaki ida carneiro-ra akava'ijoavini bode ihamahiki kania.
8 Hari. A'ba'di'ihi bode danona. A'diahni ida danona a'ba'dini, a'dani'ihi ida morobo 'dakhaki. Hari. Namitha'ihi ida morobo 'dakhaki oadaki ako'bamahakhamaki. Avijava'ihi ida morobo 'dakhaki safini kakhamanani kaniaja, safini aagari kaniaja, safini aagari kajasonija, ka'aniajani kaniaja.
9 Hari. Morobo 'dakhaki hoarani kania namitha'ihi ida morobo 'dakhaki pa'itxi hoariha. Avijava'ihi ida morobo 'dakhaki pa'itxi, safini ka'aniajani kania, safini aagari kajasonija kania okhaki ida. Canaa kaaraboni Deus kidija'ari-ra va'ora nava'iponivini hiki kaniaja okha'iki jaboni ida moroboi ija'ari hi'iki.
10 Avijavakarahohi ida danona ija'ari-ra avadadami'ihi. Bikaitoniahi ida Deus kaija'ari ka'oa vavahojaki ibavi. Boviri fori vihiki adani Deus kaija'ari ka'oa. Makhira jahariki ada morboi 'dakhaki pa'itxi ija'ari ihi'iki. Ovari va'ora vidaki bana adani Deus kaija'ari ka'oa. Boviri fori vihina vani va'ora osonarariki bana adani Deus kaija'ari araboa. Va'ora kada'aha'ahavini vani fori vihira adani Deus kaija'ari ka'oa va'ora avadadamivini.
11 Hari. Makhira jaharikia ni-binofiki ida Deus kidija'ari-ra va'ora kajoamoravini, binofiki ida deu-ra nigafaniki fori hina. Ni-va'ora va'ahaki adani ija'ari deus khai ni'ana kagorani avikhana. Binadaba'ihi ida ija'ari igitha abononi-ra avanaha'divini afobakhia, Deu-ra khai vani'ajanara kaimoni. Binajahari'ihi ida Deus khai ni'ana kagorani bodini.
12 Hari. Israel kaija'ari vaipohiki Deu-ra vavakaijokajanariha bana adani. Vaakodiaki bana ada makhira jahariki. Ovaria bianaha'diki ida igitha karamonavahaki Deus khai ni'ana kagorani kania.Binofiki ida Deu-ra vakanamasiviki vakadibadani-ra nihimavini, vakava'ipahinika'oara kaimoni ada Deus. Jaharini kaba'i ida kidibadani asohiriki, nahina-ra kaijo'aha, bikaabokahi.
13 Hari. Oniaroa, va'ora okamitha'aha adani Deus ibavi kaija'arini vara vakhanina. hoarana binana'dohi'aha:
- Mahi niha fori hik ipohini namithaha'oadahaki bana ida vadami fori hiki nokiavahaki? Mahi niha fori hiki ipohini ija'aria avanaha'dibakhiaki bana ida igitha karamonavahaki Deus khai ni'ana kagorani kania? Mahi niha fori hiki ipohini Deus gorana-ra vanajahariki adani? Mahi niha fori hiki ipohini Deus kaija'ari vihidoroki vajahariharira bana.
14 Hari. Okamitha'iki ida na'dohi hoariha bigathanivini:
- Hari. Radahaki bana ida mahi 2.300 hiki ipohini. Radaharini oadani ida mahi 2.300 hiki ipohini, ni-ija'aria avanaha'diki bana ida igitha abononi Deua bivahonariahi'iki. Oniaroa, naothinia vanajaha'ianaki bana ida Deus khai ni'ana kagorani.
Deus ibavi kaija'arinia vara bivani'aki ida vadami fori hiki.
15 Hari. Oniaroa, vada oniavini oadani ida vadami fori hiki, okava'ibodivaraniki jaboni ida nahina hini, jorakia nokia'ihi ida ija'ari oviaha. Makhira nokiana fori hiki ada.
16 Okamitha'ihi ida makhira athi Ulai aini namanija khaki. Bodi'barahana bini'aha:
- gabriel, inava'isohi bana o makhira vadami fori hiki nahna hinia.
17 Oniaroa, hora namaakari'aha ada Gabriel. Oimahidakaraho'ihi, okajo'atharari'ina viaha, onokho arabo namania hoja'iki. Hora ni'a'aha:
- Ivani, mitha ini'a. Inoki'iki ida vadami fori hiki, namithaki bana ida nahina mahi jahariki anokhomini amaakarini kamahini.
18 Hari. Oniaroa, hora ni'avini vani oimahidakaraho'ihi. Viaha oadari'ihi, o'bisoni'ihi, abiniki fori ohi'ihi. Ovari hora kadasa'aha, hora ragaamanani'aha.
19 Hora ni'aha:
- Ira onava'isohijoravini hiki bana ida namithaki kaimoni mahi jahariki anokhomini amaakarini.
20 Hari. Inoki'iki ida carneiro moroboi 'dakhaki 'bamiki-ra vahojaki. Média kaaraboni, Pérsia kaaraboni hiki vakadika'da'di vi'bamiki fori hiki ida moroboi 'dakhaki 'bamiki.
21 Bode fori hiki ada Grécia kaaraboni kaka'da'dini. Ovari miro'a va'ora vaka'da'diki adani Grécia kaaraboni kaija'arini moroboi 'dakhaki oadaki hoarani fori hina.
22 A'dani'iki bana ida moroboi 'dakhaki hoarani, namitharonisiagaki ida moroboi ako'bamahakhamaki. Abiniki bana ada ovari miro'a ija'ari-ra vaka'da'diki. Pitahatahaki bana ida kidibadani, arabo kaka'da'dini avako'bamahakhamaki vakadiania. Ni-vadanona arabo kaka'da'dini miro'a danona fori hiki.
23 Hari. Anokhomini amaakariki ida ija'ari-ra vavaka'da'divini, arafia'iki bana ida Deu-ra vakava'ipahiniki vakadihojai asohiriki. Oniaroa, namithaki bana ada makhira jahariki danoki arabo kaija'arini kaka'da'dini hina. Ovaria bikaabokaki ida ija'ari-ra va'ora korijanahavini.
24 A'ba'diki bana ida danona bigathaniki. Arafiaki bana ida vahoariha-ra va'ora napohmajavini, va'ora nihimavini, va'ora najahariharivini. Va'ora nihimaki bana adani arabo kaija'arini vadanoki, Deus kaija'ari vaipohiki vihiki. Nahina binofiki, bikaabokaki.
25 Ovari va'ora korijanahaki banaadani ija'ari vaipohiki. Avijavaki ida abono-ra vaboraborahavini. Ija'ari kidai vihina-ra vanaviahanokharavini oadani va'ora davini va'ora napohimajaki bana ada. Binofiki ida Deu-ra napohimajavini-ra kaijo'avini. Deus ka'da'di vakadika'da'diabinihimaki bana ada ovari. Ni-ija'aria vanaabiniki.
26 Hari. Gbriea biananokhomiki ida athi:
- Ka'oa hiki hida varani vadami fori hiki-ra vara ovani'avini. Hari'a bana vahoariha-ra va'ora namitha kaho. Ianahoja bana hida varani. Ni-jorakia namithaki kaimoni. Mahi ipohini radahani naothinia namithaki bana hida va'isohihi.
27 Hari. Hovani Daniel ho. Vadami fori hiki-ra vada oni'avini naothinia ova'i jahariki ho. Mahi ipohiriki vadami onoki'iki hora nakavamoniki ho. Oahajani'ina naothinia bada oni'a'ianaki ida arabo kaka'da'dini kabadani. Vadami fori hiki ova'i-ra soko ani'a'iki ho, ni-oogajahakiki ida namithaki kaimoni.