40 mahi ipohini vani vanokibakhiaꞌaha,

mitha vaniꞌabakhiahi ida athi,

oniani ida ahokiꞌina avigajahakivini hiꞌia.

Jesua vara bivaniꞌahi ida Deus ijaꞌari hahavi-ra vaꞌora vakaꞌdaꞌdivini niha ninini.

Jesus Maꞌonahai Jahaki danona vaꞌi binahonariahihivini vani vaꞌora navaꞌisohiha adani athi avavaadahaoniva abono athi vanaabara kaimoni.

Kidibadani kamaꞌdani kari vaꞌora nagathogathoꞌiki adani 12 vihiki vaipohina athi avavaadahaoniva abono vihira kaimoni.

4 Hari.

Jesus khama viꞌbaijabanaha adani athi avavaadahaoniva abono,

Jesus vaꞌora navaꞌisohiꞌaha:

5 João Batista kohana ijaꞌari-ra kanaꞌavini paha bodinia.

Mahi ipohiriki bana Deua bikaronaki ada Maꞌonahai Jahaki avavaꞌini bodinia hojara kaimoni.

Kanai fori hiki ida khana avavaꞌini bodinia — vaꞌora navaꞌisohijoravini ada Jesus.

6 Oniaroa,

Jesus kania vajoroniꞌianaha adani athi avavaadahaoniva abono,

vaniꞌaha:

—Akadikaꞌdaꞌdi Jesus,

arabo hoariha kaijaꞌarini haria vahonariafiahaki adani.

Hidakabaꞌi vani koda akadiaraboa Deus vaꞌora noꞌaꞌianaki koda adani akadijaꞌari,

akadikaꞌdaꞌdi haria vakaꞌdaꞌdiꞌianaja kaimoni?

— Jesu-ra vananaꞌdohiꞌaha.

7 Jesus vaꞌora niꞌaꞌaha:

—Deus kaꞌoa bikanamahivini ida hora avananaꞌdohivini hiki.

Avarigaki kaimoni hirihi ida mahi namithaki kaimoni bana.

Deua binanamithaki bana ida.

8 Maꞌonahai Jahaki aꞌonira aviꞌonanivini kamahini avagathanihi ida danona.

Maꞌonahai Jahaki aꞌonira kakodiavini mani ida vahoariha-ra avananamithavini hija varani ohina.

Jerusalém sidaji,

Judéia kaaraboni,

Samaria kaaraboni hikia avarikhaki bana aꞌoni afoꞌimidia.

Naothinia napaja maina bana avarikhaja arabo hahavia jaboni,

ibavi hahavi kaijaꞌarini-ra avananamithaja kaimoni kodibadani avanokiꞌiki,

kodivarani avakamithaꞌiki hikia — vaꞌora niꞌaha ada Jesus.

9 Jesus kavarani anokhomiꞌini naothinia Deua bigathaniꞌaha kidiania.

Okasina vada avaniꞌasivini kabaꞌi bahi vaforikia biakaꞌoahaꞌaha.

Ni-nokiajanaki ada Jesus.

10 Nama-ra vada avaniꞌasivini kabaꞌi,

jorakia vanokiaꞌaha adani makhira viꞌbamiki vaꞌdihana vigaakosoana.

Vakadimakari vakaimahaki vaforiki.

Deus ibavi kaijaꞌarini adani.

11 Vaꞌora vaniꞌaha:

—Aꞌonivaniti,

Galiléia kaaraboni kaijaꞌarini.

Nahina kaimoni vada avaraniꞌasiki oni nama?

Hiꞌada Jesus hojaꞌiki avakadiania,

ada Deua bigathaniꞌaha kidiania hojaꞌara kaimoni.

Joirariki bana ada.

Bahi vaforiki kania okasina vani fori hiꞌianara bana ada joirariꞌianana.

12 Oniaroa,

arabo namahiki monte das Oliveiras onikia ai vihiꞌaha adani Jesus athi avavaadahaoniva abono,

Jerusaléa avajoiꞌianaha.

Jerusalém kanapajahikhamarihi ida arabo namahiki.

Arabo namahikia hojaki ida ava ipohiki oliveira oniki.

13 Jerusaléa vakaikahiha,

vaibavia avikhaꞌaha.

Gora vavahojaki kaꞌobani kakanamajakhamakia avikasiꞌaha.

Vahojaꞌaha adani Pedro,

João,

Tiago,

André,

Filipe,

Tomé,

Bartolomeu,

Mateus,

Tiago de Alfeu,

Simão Zelotes,

Judas de Tiago vihiki.

Jesus athi avavaadahaoniva abono adani.

14 Vajoronibakhiaha adani Jesus athi avavaadahaoniva abono gora vavahojaki bodinia.

Vakadiania vajoroniha adani Jesus igamina,

kidiamia Maria oniki,

gamo vahoariha vihiki.

Vajoronibakhiaha Deu-ra vara vaniꞌara kaimoni.

15 Hari.

Oniaroa,

mahi hoariha gaaꞌaha ada Pedro vahararana.

120 vihiki adani Jesus vaipohihava abono vajoronibakhiaki.

16 Pedro vaꞌora niꞌaha:

—Oigamina,

vara aꞌonira oniꞌavini hiki bana ida Judas kohana varani hina Deus athi kapapirania hojaꞌboꞌdaꞌiki.

Maꞌonahai Jahaki Davi kohana-ra navaꞌisohijoravini hiꞌiki ida namithaki kaimoni Judas kania,

oniani ida nanamithani hiꞌia.

Davi kohana bivavaꞌisohihijoraꞌiki ida Judas vahoariha-ra vaꞌora avanamithahavini Jesua bivahojaki kania,

vagathira kaimoni.

17 Jesus athi-ra aavaadahaonivini vani Judas kohana haria vaipohihaꞌia.

Aripohina hiꞌina — vaꞌora niꞌaha ada Pedro.

18 Hari.

Judas kohana bikapavakariꞌiki ida arabo pitani paꞌitxi Jesu-ra avanamithahavini kajinironia.

Kidiaraboa hojana voroniꞌaha.

Kaꞌitaꞌiki ida kaijona kaasafini,

kakhaonaniꞌiki ida kaijona,

abiniꞌiki ada.

19 Jerusalém kaijaꞌarinia vakamithaꞌiki ida Judas kohana monina,

vanaonivini ida kidiarabo:

“Arabo ama biavahovariꞌiki.”

Vaathi kaꞌoa onini ida arabo Asiodama.

20 Hari.

Pedro vaꞌora niꞌaha:

—Oigamina,

Deus athi kapapirani pitanija Salmos onikia hojaꞌboꞌdaꞌiki hida Judas kohana varani hina:

21-22 Pedro asia vaꞌora vara niꞌaha adani Jesus vaipohihava abono:

—Jakaho anagathogathoꞌava ada Judas kohana ajaꞌdina kaimoni.

Anofiki ada aripohina hoarana Jesus aadahaonina-ra vaipohihahaꞌoadahaki akadiania anagathogathovini.

Anofiki ada makhira Jesu-ra vaipohihaki João Batista kohana ijaꞌari-ra kanaꞌavini kari.

Binokiꞌiki jaboni Jesus kabadani hahavi.

Binokiꞌiki jaboni ada Jesus okasiꞌina Deus kania.

Vaipohina kabaꞌi adani Jesu-ra vanokibakhiaki,

anagathogathova ada hoarana Jesus athi avaadahaoniva abono hira kaimoni akadiania,

vara bivaniꞌaja kaimoni ida Jesus ahokiꞌina kavaranihi — Pedro vaꞌora niꞌaha adani 120 vihiki vaipohina.

23 Hari.

Pedro vaꞌora vaaniꞌaha adani makhira viꞌbamiki Jesu-ra vavaipohihabakhiaꞌiki.

Vaaniꞌaha ada Matias oniki.

Vaaniꞌaha ada José Barsabás oniki jaboni.

José onina hoariha Justo.

24 Vaꞌora vaanivini naothinia Deu-ra vaniꞌaha:

—Akadikaꞌdaꞌdi,

iogajahakiki ida ijaꞌari vaꞌini bodini vara nini hahavi.

Vahojaki hadani makhira viꞌbamiki,

haria bana nanamithaꞌa hana hina ada inofira,

25 Judas kohana ajaꞌdina kaimoni hina,

bada aniꞌajabanaja kaimoni ida Jesus athi avavaadahaoniva abono vakadibadani.

Judas kohana binahojahaꞌiki ida kidibadani,

abiniꞌaha.

Kidihojai asohiriki abosini-ra gathanivini ibavinia okhaꞌaha — Deu-ra vaniꞌaꞌaha.

26 Oniaroa,

vanajirihi ida makhira viꞌbamiki vaonina jaꞌdi paꞌitxi ꞌbamiki namania.

Bavi bodinia vanaibaviꞌihi,

vanavoroniꞌihi ida jaꞌdi jiriki hoarani,

avigara kaimoni ada hoarana Deua binofiki.

Khaonaniꞌihi ida Matias onina jaꞌdi jirikia.

Ovari vaꞌora vaipohihaha adani 11 vihiki vaipohina Jesus athi avavaadahaoniva abono.