2 Hari.

Imaꞌinavi fori avihiki aꞌoni.

Avakadimakhira kaimoni ada Cristo.

Aꞌonira ovaimajahahivini hiki Cristo kani avihini,

Deus aꞌonira vaimajahahivini vani fori ohija.

Onavaꞌiponivini hiki ada Cristo kidimoni avihini.

Onofiki ida avaabononi avarakadavaꞌavini imaꞌinavi makhaniriki fori avihija kaimoni,

avakadiꞌakarai kamahini Cristo kania.

3 Oakavaꞌisokoniki ida gamo miroꞌa Eva oniki kania namithaꞌiki,

namithaꞌianani avakadiania.

Makha vania bikorijanahaꞌia ida Eva,

bikajariꞌdaria kaimoni ida kidikorijanahi.

Niki vania hojaꞌianara ada Jahari.

Binofiki ida avakadivaꞌibodivarani-ra nasohiravini,

oniani ida Cristo kaꞌoa-ra avanofivini-ra avakavaꞌipahinivini hija bana.

4 Kodivarani vihiki adani makhira avakadiania vakaikahiꞌiki vaꞌora avagathanijahakiꞌavini.

Vaꞌora avavaꞌahaꞌiki adani Jesus varani hina asohirikia vakavaraniꞌina.

Cristo athi avavaadahaoniva abono ꞌbadara adani.

Aꞌonira oakavaꞌisokonivini hiki aꞌonira vakaꞌojomoꞌivini hiki-ra khai avaniꞌavinia.

Jesus varani hina aꞌonira ananamithabiininivini fori hirihi ida Jesus varani hina aꞌonira vakaꞌojomoꞌivini hiꞌiki.

Avakapoariꞌiki ida maꞌonahai aꞌonira vanavaꞌiponivini hiꞌiki.

Maꞌonahai Jahaki hiriha ada maꞌonahai hoariha.

Avakapoariꞌiki ida Jesus monina hoariha vara vavaniꞌaki,

asohirini kabaꞌi.

Vara aꞌonira aniꞌavini hiꞌiki ida Jesus monina kaꞌoa hini.

Aꞌonira aakodiavini hiꞌiki jaboni ida Maꞌonahai Jahaki-ra avagathaniꞌavini.

5 Vaꞌora avakavaꞌibodivaraniki adani hiꞌadani Deus athi avavaadahaoniva abono ꞌbadara haria avaradamikarahovini.

Hovani oabono okavaꞌibodivaranivini hiki ida hora avaradamiravini.

6 Hora vakanavaranihavini hiki ida vahoariha vaviaha vara onina-ra okaabokaravini-ra vakahivini.

Kabaꞌi,

oogajahakiki ida Cristo monina.

Aꞌonira onanokiahibakhiavini hiꞌiki ida Cristo-ra oogajahakivini,

kodivarani,

kodibadani,

kodihojai hikia.

7 Ni-onofiki ida kodivarani-ra avanaabosivini jiniroa,

Deus monina jahakia aꞌonira okanamonivini kari.

Oabono oagathogathohivini hiki ida avakadihonai abono fori ohina,

aꞌonivani kaꞌdaꞌdi fori avihija kaimoni.

Asohiria koda ida avakadijiniro-ra ogathaniravini.

8 Ogathaniꞌiki ida jiniro Cristo kaijaꞌari ibavi hoariha avajoronionibakhiakia vakaronaꞌiki.

Bada onirina kabaꞌi vakadiania,

ogathaniꞌiki ida vakadijiniro bada onija kaimoni avakadiania.

9 Avakadiania ohojana kari jiniro-ra okainamoꞌavini kabaꞌi,

ni-jiniroa aꞌonira okanikhariaki.

Jesus kaijaꞌari Macedônia kaarabonia vikhaꞌina vani hora vakavikhaꞌara adani nahina okainamokia.

Oniaro kari onofirihi ida avavaꞌini-ra okaiꞌdokavini okanikhariana.

Jokoa avavaꞌini-ra okaiꞌdokarihi nahina okainamoki-ra okanikhariavinia.

10 Kaꞌoa hihahaꞌoadahaki ida Cristo kavarani.

Onivani fori hija hida kodivarani.

Oabono khai oniꞌavini hiki ida kodibadani abosirini avakadiania Acaia kaarabonia.

Ni-ovaꞌahaki ida kodibadani abosirini kavaranihi-ra avanadabavini.

11 Nahina kaimoni hora avakaijahitavini-ra onofirihi oniki ho.

Hariꞌa aꞌonira onakaidivariki avaabononi vavaniha bana.

Deua biogaki ida aꞌonira onakaidivajahakivini.

12 Kodihojai ida avakadijiniro-ra okanikhariaravini.

Jokoa onakamaꞌdarihi ida okanikhariavini.

Hivaꞌoani Cristo athi avavaadahaoniva abono ꞌbadara vaabono vavaboraborahavini,

vakhaniha:

—Paulo bada nina vani fori hija ida bada akhanina — vakhaniha.

Vaꞌoaniaroa vagathanibakhiaki ida avakadijiniro vakadibadani abosini hini,

oniani ida ogathanivini onofiravini hija.

Onofiki ida vakadivarani ꞌbadara onadabavini.

13 Kaꞌoa hirihi ida Deus athi avavaadahaoniva abono vihina-ra vakahivini.

Deus vaꞌora karonavini-ra vakahiꞌbadaraki adani.

Vakadibadani-ra korijanahia vara vavaniꞌaki adani.

Akadibadani-ra vakabanafoki adani,

Deus athi avavaadahaoniva abono kaꞌoa vahoariha vaꞌora vavanihara kaimoni.

14 Vakadihojai ni-avaꞌi-ra kadi hiki.

Satanás jaharia bikaabokaki ida abono-ra nanokiavini Deus ibavi kaijaꞌarini nokiana vagana fori hina.

15 Deus athi avavaadahaoniva abono ꞌbadara vakaabokaki ida Deus kahonai abono vanokiana fori vihina jaboni.

Vakadihojai sohikaꞌoani-ra vananokiaꞌbadaraki adani.

Deus ijaꞌari kahojai-ra naabosivini kamahini vagathaniki bana ida vakadihojai asohiriki abosini.

16 Oigamina,

vara ovaniꞌaꞌianaki bana ida vaꞌihariki fori ohina hora avakavaꞌibodivaranivini.

Asohirini kabaꞌi ida avakadivaꞌibodivarani,

hora vagathanijahaki bana vaꞌihariki fori ohina kabaꞌi.

Onofiki ida kodibadani jahania oabono ovaboraborahavini vahoariha vakadibadani jahania vaabono vavaboraborahavini fori hini,

aꞌonira okaꞌojomoꞌija kaimoni varani niki ijaꞌari vaꞌihariki kavarani fori hikia.

17 Akadikaꞌdaꞌdi Jesus Cristo ni-hora honariavini hiki hida hihida varani aꞌonira vara oniꞌavini hiki bana.

Oabono ovaboraborahavini mani bana hida ijaꞌari vaꞌihariki fori hora nihaja.

18 Ijaꞌari Deu-ra vanofiriki vaabono vavaboraborahabakhiaki fori ohiki bana ho.

19 Avaabononi avakavaꞌibodivaranivini hiki ida ijaꞌari ogahani arafiaki avihini,

oniani ida ijaꞌari vaꞌihariki vara nina-ra avavaꞌahavini hija.

20 Aꞌonira nikia vanahojavini hiki honai abono kapavakarivahaki fori avihini.

Aꞌonira vaboꞌdiavini,

aꞌonira vakorijanahavini,

aꞌonira vakaihiponiravini,

avanokhoni-ra vakapatavini.

Nikia aꞌonira vanahojavini kabaꞌi,

vaꞌora avavaꞌahaki adani,

vaathi avakajariꞌdariha adani.

21 Vaꞌoaniaro fori arihirihi.

Ni-nikia aꞌonira onahojaki.

Aꞌonira akaabokariki avaabononi avavanihavini hija koda?

Nikia aꞌonira onahojaja vaha;

ovaꞌi aipahihimanihi vaha.

Vaꞌoaniaro ni-vavaꞌi anaipahihini hiki ida vakadibadani jahani vaabono vavaboraborahavini avakadiania.

Ijaꞌari vaꞌihariki nikia kavaraniki fori ohina,

oabono ovaboraborahaki bana ho,

vaꞌoaniaro fori ohija kaimoni.

22 Vaabono vavaboraborahavini hiki hebreu kaijaꞌarini vihina,

Israel kaijaꞌari vihina,

Abraão kaijaꞌari vanamitharonisiagaki vihina jaboni.

Hovani jaboni hebreu kaijaꞌarini ho,

Israel kaijaꞌari ho.

Abraão kahanodi namitharonisiagaki ho jaboni.

23 Cristo kahonai abono vihina vaabono vavaboraborahaki adani.

Cristo kahonai abono vihina kabaꞌi,

arafiaki ida Cristo kabadania okabadanina.

Hovani obadanina arafiaja.

Hovani khama cadeia ohojabakhiaja.

Hovani dafi ohibakhiana arafiaꞌiki ho.

Hovani oabinikamaribakhiaki ho.

Ijaꞌari vaꞌihariki athini oamani ida nikia okavaranina.

24 Judeus kaijaꞌari vakadikaꞌdaꞌdia vavahonariahibakhiaki ida dafi ohina.

Xikotxia 39 hiki ipohini ida dafi ohina mahi hoarani.

Oaꞌaadahaonina vani saꞌai kahoarani hikia namithaꞌianaki ida kodiania.

25 Roma sidaji kaijaꞌarini vakadikaꞌdaꞌdia vavahonariahiki ida ava hora vidafiabakhiavini adani ijaꞌari.

Oaꞌaadahaonina vani ahoarabakosikia namithaꞌianaja ida kodiania.

Hoaranija ijaꞌari jaꞌdia hora vanagahaꞌiki ho,

hora vanaabinikamariki adani.

Kanava oaꞌaadahaonina ahoarabakosikia kahidai kihibakhiaki ida kanava kakaraho akavaadahaki.

Akoꞌomariꞌiki ida.

Hoaranija paha bodinia ohojaꞌiki ho mahi hoarani,

joma hoarani,

oabono ogathiꞌiki ho ava rakokia.

26 Oaꞌaadahaonibakhiana opohimajakamaribakhiaꞌiki ho.

Aꞌahabodijorakiki ida paha jorani oahidakamariꞌiki ho.

Nahina anahoroabakhiava abono hora vanapohimajakamariꞌiki ho jaboni.

Hora vanapohimajakamariki afobakhia adani kodijaꞌari,

judeus kaijaꞌari vihiriki jaboni.

Opohimajakamariꞌiki ho sidaji ipohiki bodini,

amasi,

paha karaho kajokiraki hiki kania.

Hora vanapohimajakamariki adani Cristo kaijaꞌari vihiꞌbadaraki.

27 Oabono ovafajafajahakarahovini hiꞌiki ida kodibadani arafiaki.

Joma onokibakhiana ohojana.

Ovaiꞌamibakhiana,

okanabidi akaaforabakhiaꞌini jaboni.

Okainamobakhiaki ida ꞌbai,

vada ibavini,

makari hiki.

28 Hojaki ida nahina ipohiki hoariha ovaꞌi-ra rogo aniꞌaki.

Vaꞌora okavaꞌibodikarahoki adani Cristo kaijaꞌari avajoronionibakhiaki.

Nahina khanaki-ra okaibaꞌivini fori hiki ida.

29 Danorihi ida ijaꞌari Cristo-ra vakaijokavini;

okamithahi ida odanoriki fori ohina jaboni.

Cristo kaijaꞌaria bada biniꞌahi ida hojai Deua bivajahariki,

ovaꞌi-ra rogo aniꞌahi.

30 Hari.

Hora avakanavaranihavini mani ida kodiania namithaꞌikia oabono ovaboraborahavini hiꞌia,

oniani ida nahina odanorina-ra nanokiavini maina oabono ovaboraborahavini hija bana.

31 Deua biogaki ida korijanahia vara onirina.

Akadikaꞌdaꞌdi Jesus Cristo kaabiꞌi ada ovari.

Jahaki ida ijaꞌari hahavi jahana danona hiki khai vaniꞌavini.

32 Hari.

Damasco sidajia ohojana kari arabo kakaꞌdaꞌdini Aretas onikia bihonariaki ada sidaji vakaꞌdaꞌdiva:

—Vaꞌora honariaha adani sorara sidaji kaathania vahojana mahija Paulo khaonanina-ra vagathivini — Areta biniꞌaha.

33 Hari.

Soꞌoro bodinia ohojana vani kodivaꞌahi hora avanahiririrariꞌia sidaji kavasiribanini akharani kania,

oniani ida hora anaihotaꞌia.

Ni-sorara hora vagathiꞌiki.