2 Kidiabiꞌia bivavaꞌisohihijoraki ida badara ipohini kidisaia bigathanija kaimoni ida kidinahina hahavi.

Isai kaabiꞌi vaꞌora honariaki adani kidisai avakadavaꞌava abono,

kidisai paꞌitxi,

isai kanahina,

arabo,

jiniro hiki-ra avakadavaꞌara kaimoni.

Karahoꞌaha ada isai,

ovari maina biakadavaꞌaꞌihi ida kidinahina hahavi.

3 Onivani fori hija hida arihojana.

Cristo avaꞌi-ra nahonariahihiravini kari isai paꞌitxi fori arihiꞌiki hari.

Oniaro kari maꞌonahai jahariki vanokiariki avaꞌi-ra vanahonariahihiki.

Vakadihonai abono gathaki fori arihiꞌiki hari.

Maꞌonahai jahariki vanokiariki asia vaꞌora vanavaꞌihonariahihiki jaboni adani Deu-ra vanofiriki.

4 Hari.

Deua bivavaꞌisohihijoravini kamahini kaikahiꞌini,

bikaronaꞌaha ada kidisai.

Gamoa biakaijohavini vani ꞌbanaꞌina namithaꞌara ada Deus kaisai.

Avijavaꞌaha,

karahoꞌaha.

Binaabahahaꞌoadahamanihi ida Deus kavaꞌisohihi jiriki.

5 Deus athi hahavi-ra naabahahaꞌoadahavini mani ida vaꞌisohihi jiriki-ra varagariki-ra vaꞌora akavaꞌijoavini hija,

gathaki fori vihijanarara kaimoni.

Cristo haria akavaꞌijoavini mani ida Deus haria kanaisaihavini hiꞌia.

6 Kidisai arihina mani ida avaꞌi bodinia Deus kidisai Maꞌonahana Jahaki-ra karonavini hiꞌia.

Ovari avaꞌi-ra nahonariahihivini mani ida Deu-ra abaranahavini hija:

Kodiabiꞌi,

kodiabiꞌi aniꞌavini hija.

7 Ni-honai abono gathaki fori arihijanarihi.

Deus kaisai arihiꞌina mani ida Deus haria noꞌavini hija bana afohanana kidinahina hahavi bivahojakia.

Kidisai vakadimoni ida Deua binaibavijahajoraꞌiki.

8 Hari.

Deu-ra avarigaravini oadani honai abono gathaki fori avihiꞌiki aꞌoni.

Avavaꞌini-ra vanahonariahihiki adani deus fori vihiki.

Deus vihiriha adani.

9 Hari.

Kamaꞌdaꞌiki ida Deu-ra avarigajahakiꞌavini.

Hari.

Oanabosiki bana hida oathi.

Deus vani bana aꞌonira ogajahakija.

Nahina kaimoni mani ida deus vihiriki-ra vaꞌora avanofiꞌianavini hija?

Vadanoriha adani.

Ni-aꞌonira avakavaꞌijoavini-ra vakaabokaki.

Nahina kaimoni mani ida vakadihonai abono avihini-ra avanofiꞌianavini hija?

10 Jahapaꞌitxirihi ida avavakaajibakhiavini mahi karaho,

masiko jaꞌdi,

badara kamaꞌdani,

pahakari kamaꞌdani hiki avakadihinika kamahini hini.

11 Aꞌonira oakavaꞌisokoniꞌoamanija.

Akamadaki vahabini ida kodibadani avakadiania ohojana kari.

Aꞌonira onanamithaꞌimarinimanija koda Jesus monina jahakia?

12 Oigamina,

aꞌonira okanikhariadanokiki ho.

Hofori vihiꞌa bana.

Hovani Cristo-ra onofijahakiꞌiki ho.

Homiroꞌa avahojania okahojaija.

Avakadiania ohojana kari hora avagathanijahakiꞌiki aꞌoni.

13 Avakavaꞌihokiria ida aꞌonira onanamithabiininivini Jesus monina jahakia?

Okavamonina vani avakadiania okhaꞌia,

kabaꞌi Jesus monina jahakia aꞌonira onavaꞌisohiꞌiki ho.

14 Karamonavahani kabaꞌi ida kodikavamoni,

hora avagathanijahakiꞌiki aꞌoni.

Ni-hora avakaihiponiriki.

Ni-hora avakajoniki.

Ni-hora avahonariaki ai ohina.

Hora avagathanijahakivini hiki Deus ibavi kaijaꞌarini fori ohina.

Hora avagathanijahakivini hiki Jesus Cristo fori ohina.

15 Oniaroa,

khai avakhanihi.

Niha avakhanimaniꞌia khai avakhanijanariki?

Oniaro kari hora avanofijahakiki aꞌoni.

Avanokhoni ꞌbaꞌdani-ra onofija vaha;

hora avakaanihi;

hora avanoꞌahi vaha.

Onivani fori hija ida hora avanofijahakiꞌavini.

16 Kaꞌoa oamani ida Deus athi aꞌonira onavaꞌisohivini hiꞌiki.

Kodivarani aꞌonira naihamahimaniꞌia koda?

Nahina mani ida hora avanofijahakijanaravini hija?

17 Aꞌonira vaniꞌaha adani moni jahaki-ra avanahoarihaki:

—Aꞌonira avajahaki hari.

Akadivaꞌahi avihini-ra anofiki hari.

Anofiki ida aꞌonira akaꞌojomoꞌivini — vakhaniꞌimariniha.

Athii jahakia aꞌonira vanoꞌavini kabaꞌi,

ni-jahaki ida aꞌonira vanofivini.

Ariabono aakavaꞌipahinikhamavini-ra vanofiki adani.

Vanofiki ida hora avanofijahakivini fori vihina vaꞌora avanofijahakivini.

18 Jahaki ida ijaꞌari aꞌonira nofijahakivini.

Avakadivaꞌahi vihina-ra vakahiꞌbadaravini,

ni-jahaki.

Avakadiania ohojana oadani hora avanofijahakiꞌiki aꞌoni.

Napaja ohojaꞌina oadani,

onofiki ida asia hora avanofijahakivini.

19 Kodisai fori avihiki aꞌoni.

Gamo ꞌbanarahaki fori ohiki ho.

Avakadimoni ida oimana ꞌbanani okamithaki.

Cristo avakadimahi-ra anajaꞌdijahakiravini oadani okamithahahaꞌoadahaki ida isai ꞌbanani fori hiki.

20 Onofiki vanivaha ida avakadiania ohojana vara aꞌonira oniꞌaja kaimoni.

Aꞌonira onokivini-ra onofiki ho vanivaha.

Hoarihaki vahabini ida kodivarani aꞌonira oniꞌavini hiꞌiki.

Aꞌonira oakavaꞌisokonikarahoki ho.

21 Hari.

Aꞌonivani judeus kaijaꞌari Deus kavaꞌisohihi jiriki-ra avanofiki.

Avakamitharia koda ida vaꞌisohihi jiriki athini Deus vaꞌora navaꞌisohivini hiꞌiki?

22 Vakavaꞌibodivarani bana ida isai viꞌbamiki varani vihina vaꞌisohihi jiriki kapapirania hojaki.

Viꞌbamiki adani Abraão kohana kaisai.

Hoarana,

kidigamo Agar kohana kaisai.

Kidihonai abono gathaki ida Agar.

Abraão kaisai hoariha,

kidigamo Sara kohana kaisai.

Kidigamo kaꞌoa ida Sara.

Honai abono hirihi ida.

23 Abraão isai-ra nofivini mani ida Aga-ra vaisavini hija,

oniaroa ꞌbanaꞌaha ada Aga-ra vaisavini.

Abraãoa isani binofivini kabaꞌi ida Sara,

ni-isaꞌiaki kaho.

Ni-vakaabokaki ida isai-ra vanamonahavini,

oniani ida vaꞌiponahi aꞌboꞌdakia Deus Abraão-ra noꞌavini hija.

Deua biniꞌaha:

—Aꞌonira okajoamoravini mani ida kadagamo Sara-ra ivaisavini hija bana — niha ada Deus.

24 Okavarajomiki bana ida Deus kavarani ꞌbamiki,

Abraão kagamo viꞌbamikia.

Deus kavarani hoariha ida vaꞌiponahi aꞌboꞌdaki,

kidivarani hoariha ida vaꞌisohihi jiriki.

Monte Sinai arabo namahikia Moisé-ra navaꞌisohivini hiꞌiki ida vaꞌisohihi jiriki.

Vaꞌisohihi jiriki kavaranihi fori hiki ida Agar kohana.

Agar kahanodi vanamitharonisiagaki fori vihiki adani vaꞌisohihi jiriki-ra vanofiki.

Honai abono gathaki fori hiki ida vakadiꞌarahoni kohana,

vaꞌoaniaro jaboni honai abono vagathaki fori vihiki adani vaꞌisohihi jiriki-ra vanofiki.

25 Arábia kaarabonia hojaki ida arabo namahiki Monte Sinai oniki.

Monte Sinai fori hiki ida Agar kohana.

Jerusalém sidaji fori hiki jaboni ida Agar.

Judeus kaijaꞌari kasidaji ida Jerusalém.

Honai abono vagathaki fori vihiꞌiki adani Agar,

kidihanodi vanamitharonisiagaki khama.

Honai abono vagathaki fori vihiki adani judeus kaijaꞌari afohahavi vaꞌisohihi jiriki-ra varagariki.

26 Hari.

Hojaki ida Jerusalém hoariha Deus ibavi nama.

Honai abono vagathaki vihiriha adani Jerusalém nama hojaki kaijaꞌarini.

Akadiamia fori hiki ida.

Jerusalém nama hojaki kaijaꞌarini adani Jesu-ra vavakaijokaki.

27 Deus athi kapapirani haria navaꞌisohiꞌboꞌdaꞌiki hari:

28 Oigamina,

aꞌonivani Isaque fori avihiki aꞌoni.

Deus Abraão-ra navaꞌiponivini mani ida kidisai Isaque-ra gathanivini hiꞌia.

Deus kavaꞌiponahi aꞌboꞌdaki namithaꞌiki akadiania,

oniani ida Deus kaisai haria nihaja.

29 ꞌBoꞌdakari Deua bikajoamoraravini vani isaꞌihi ida Agar.

Deus kaisai fori hiriha ada Agar kaisai,

Ismael oniki.

Deus Maꞌonahana Jahakia bikajoamorarija vaha ida Sara;

ni-namithaki vaha ada Isaque.

Deus kaisai fori hiki ada Isaque.

ꞌBoꞌdakari Deus kaisai fori hirikia biogarahaki ada Deus kaisai fori hiki.

Hidakabaꞌi asia mani Deu-ra vanofiriki vaꞌora avigarahaha adani Deu-ra vanofiki.

30 Mitha vaniꞌa hida athi Deus athi kapapirania hojaki:

31 Oigamina,

harivani kidigamo kaꞌoa kaisai fori arihiki hari.

Honai abono gathaki kaisai fori arihirihi.