2 Deu-ra vara aniꞌabakhiaꞌiki hari avakadimoni:

—Deus,

ivani ijahaki i.

Vaꞌora ikajoamorajahakiꞌiki adani arigamina Tessalônica sidajia vahojaki.

Khai haria niꞌaki ida ira vanofijahakivini.

Vaꞌora kajoamora afoꞌiana bana — Deu-ra aniꞌabakhiaꞌiki hari.

3 Aꞌonira akavaꞌihokibakhiaki aꞌoni,

oniani ida vara aꞌonira avaniꞌavini hija Deus akadiabiꞌi kania.

Jesus athi-ra avakajariꞌdaravini mani ida Deua binofiki badania aꞌonira kanabadanija.

Jesu-ra avanakaidivavini mani ida kidibadani khai avaniꞌajahakivini hija.

Avanokhahahaꞌoadahaki ida akadikaꞌdaꞌdi Jesus Cristo haria gathanivini kidiania.

Nimania hida aꞌonira akavaꞌibodivaranivini hiki.

4 Jesus kaniaja arigamina,

aogaki ida Deus aꞌonira nakaidivavini,

aꞌonira nagathogathoꞌiki ada,

kidijaꞌari avihija kaimoni,

5 oniani ida Deus haria kakodiajahakivini hija Jesus monina aꞌonira akanamonivini.

Akadivarani avakamithaꞌiki.

Avanokiꞌiki jaboni ida Deus danona,

avarigaꞌiki ada Maꞌonahai Jahaki hojana akadiania.

Aogaki ida kaꞌoa hini Jesus varani hina.

Avarigaꞌiki ida niha ninini arihojaꞌina avakadiania.

Aꞌonira kakodiaki kaimoni ida avahararania arihojaꞌina.

6 Avanokiꞌiki ida akadihojai asohiki,

jahaki,

oniani ida akadihojai,

Jesus kahojai hiki-ra avakabanafovini hija,

hari fori avihija kaimoni.

Deus athi-ra avanaabavini mani ida vahoariha aꞌonira vanajahariharivini hija.

Avajahariharikarahoꞌini kabaꞌi,

khai avaniꞌaꞌiki ida Jesus monina-ra avakapoarivini.

Maꞌonahai Jahaki vani avavaꞌini-ra khai niꞌaja.

7 Vahoariha avakadimahi jahaki-ra vanokivini vani vaꞌoaniaroa jaboni vanofiki ida mahi jahaki aꞌonifori vihira kaimoni.

Nini vani Jesus kaijaꞌari Macedônia kaaraboni,

Acaia kaaraboni hikia avigaja ida mahi jahaki.

8 Avavikhaꞌihi ida akadikaꞌdaꞌdi Cristo varani hina Macedônia kaaraboni,

Acaia kaaraboni hikia.

Vaibavi ipohikia ijaꞌari vaabono vakaniꞌakhamavini:

—Tessalônica sidaji kaijaꞌarini vaipohiki vaabono gahinai vanihavini Deus kania.

Varani avihini-ra avigaꞌavini,

harivani ni-vara avaniꞌajanaki vakadiania.

9 Avamonini-ra vakamithaki vania vara vavaniꞌaja ida avakadiania ariadahana niha ninini haria avagathanijahakivini.

Vakadivarani hiki ida avakadideus amovana-ra avakavaꞌipahiniꞌavini,

avagathanira kaimoni ada Deus kaꞌoa hokiki,

bada avaniꞌaja kaimoni jaboni ida badani jahaki Deua binofiki.

10 Vara vavaniꞌahi ida jaboni Jesus nama joirarina-ra avanokhavini.

Deus kaisai ada Jesus.

Abiniꞌina naothinia,

Deua bianahokiꞌiki ada.

Jesus vani haria akavaꞌijoaja Ibavi Jaharikaꞌoakia aokharia kaimoni,

agathaniria kaimoni ida akadihojai asohiriki abosini.