2 Anofiki ida Deus akadiabiꞌi,

Jesus Cristo khama aꞌonira vakajoamorahaꞌoadahavini,

aꞌonira vanoꞌavini jaboni vaꞌi jahajahania.

3 Arigamina,

avavaꞌini bodini oavania avijavaja ida Deu-ra avavakaijokavini,

avijavaki jaboni ida avaabononi avakanakaidivakhamavini.

Nimania ida Deus aꞌonira kajoamorajahakivini afohaꞌoadaha,

oniani ida Deu-ra aniꞌabakhiavini-ra najahaja:

—Deus,

avajahaki ida arigamina Tessalônica sidajia vahojaki-ra vaꞌora ikajoamorajahakivini — akhanibakhiaki hari.

4 Sidaji hoariha aꞌaadahaonina vara vaꞌora aniꞌabakhiaki adani Jesus kaijaꞌari vahoariha.

Vaꞌora aniꞌaha:

—Avajahaki ida Tessalônica sidaji kaijaꞌarini Jesu-ra vanofijahakivini.

Vahoariha vaꞌora vanaimaꞌbanavini kabaꞌi,

ni-vakavaꞌipahinipaꞌitxiki ida Jesus khana-ra vanokhavini.

Vajahariharina kabaꞌi,

Jesu-ra vavakaijokaki adani.

Varani avihini-ra aanamonionivini sidaji hoariha kaijaꞌarini vakadiania.

5 Aꞌonira vanajahariharivini hiki Jesus kaijaꞌari avihini.

Deua biogaki ida avajahariharini kabaꞌi Jesu-ra avakavaꞌipahiniravini,

oniani ida aꞌonira niꞌavini hija bana:

—Aꞌonivani kodijaꞌari Tessalônica sidajia avahojaki.

Ni-avakajoniki ida avaimani ꞌbanani kodimoni,

oniani ida oibavi jahakia aꞌonira arakhaja bana,

kodiania avahojahaꞌoadahaki aꞌoni,

avakadikaꞌdaꞌdi ohina — aꞌonira niꞌaki bana ada Deus.

6 Deua binasohiki bana ida vahoariha aꞌonira vanajahariharivini.

Ijaꞌari kahojai abosini kamahini Deus vaꞌora naimaꞌbanaki bana adani aꞌonira vanajaharihariꞌiki.

7 Deus aꞌonira anaimaꞌbanariki bana aꞌoni,

haria anaimaꞌbanariki jaboni bana ada Deus,

akamithajanaria kaimoni ida aimana ꞌbanani.

Ijaꞌari kahojai abosini kamahini nama nokiaki bana ada akadikaꞌdaꞌdi Jesus joina.

Jesu-ra vavaipohihaki bana adani ibavi kaijaꞌarini vaipohiki vadanoki.

8 Vakadiania kanokiaki jaboni ida siho kakhororoki kakaraho.

Jesu-ra rakhaki vaꞌora naimaꞌbanara kaimoni adani Deu-ra avigariki,

vaꞌora naimaꞌbanaki jaboni adani Jesus varani hina jahaki-ra vakajoniki.

9 Mahi ihimiriki vakamithahahaꞌoadahaki ida vakadihojai asohiriki abosini,

vapohimajahaꞌoadahana Ibavi Jaharikaꞌoakia.

Ni-nahina jahaki hojajanaki vakadimoni.

Ni-Deus kania avikhaki.

Ni-vanokiki bana ida Deus jahana,

vagana,

danona hiki.

10 Jesus joina kamahini vaꞌora naimaꞌbanaki adani kidijaꞌari vihiriki.

Harivani kidijaꞌari arihiki,

anokiki bana ida akadikaꞌdaꞌdi vagana,

jahana,

danona.

Akavaꞌibodivaranikarahoki ida jahana.

Jesu-ra vaniꞌaki bana adani kidijaꞌari hahavi:

—Ivani Jesus,

akadikaꞌdaꞌdi jahaki oamani i.

Ni-hoariha danoki ifori hiki hojaki — vakhaniki adani Jesu-ra vavakaijokaꞌiki.

Avakajariꞌdarihi ida Jesus monina aꞌonira ananamithavini hiꞌiki,

oniani ida Jesus kaijaꞌari vahararana aꞌonira nahojaja jaboni bana.

11 Oniani ida akadiDeu-ra vara aniꞌabakhiavini hija avakadimoni:

—Deus,

ivani vaꞌora inagathogathoꞌiki adani kadaijaꞌari Tessalônica sidajia vahojaki,

vakadimahi ianajaꞌdija kaimoni.

Vaꞌora kakodia bana mahija badani ivajahakia vakabadanivini.

Ira vakajariꞌdaravini mani ida kadabadani jahaki-ra vanofivini hija.

Vaꞌora noꞌa bana idanonia mahija badani jahaki-ra vanofivini-ra vakaabokavini,

vanaꞌdiahija kaimoni ida badani inofiki.

— Nimania hida varani Deu-ra akanikhariabakhiavini avakadimoni.

12 Deus,

Jesus Cristo khama aꞌonira vakajoamorajahakivini mani ida Jesus jahana-ra khai avaniꞌavini hija bana.

Vara avavaniꞌaki bana ida Jesus danona,

jahana hiki.

Jesus khai aꞌonira niꞌaki jaboni bana aꞌoni.

Aꞌonira nofijahakivini mani ida varani jahakia aꞌonira niꞌavini hija bana.