3
Hari.
Ni-akaabokajanaki ida avamonini-ra anokhajanavini.
Aꞌonira akavaꞌibodivaranikarahovini mani ida arigamina Timóteo-ra akaronavini hiꞌia avakadiania.
2 Harivani arihojaroniꞌiki Atenas sidajia.
Cristo monina jahaki-ra anamonivini vani haria kakodiabakhiaha ada Timóteo.
Deus kahonai abono ada.
Avakadiania akaronavini viahania aniꞌaha:
—Timóteo,
Jesu-ra vakajariꞌdariki-ra vaꞌora kakodia bana mahija Jesus athi-ra vanaabavini-ra khai vaniꞌavini.
Jesu-ra vanofivini mani ida vahoariha vaꞌora vanajahariharibakhiavini hija.
3 Ni-anofiki ida vajahariharina vani Jesu-ra vakavaꞌipahinivini — Timóteo-ra aniꞌaꞌiki hari.
Aꞌonivani avarigaki ida vahoariha haria vanajaharihariꞌavini Deua binofivini.
4 Avakadiania arihojana kari aꞌonira anavaꞌisohijoravini hiꞌiki ida avavaꞌini rogo inini.
Kaꞌoa hiki ida aꞌonira anavaꞌisohijoravini hiꞌiki,
namithaꞌiki ida avakadiania.
5 Hari.
Oniaroa,
ni-okaabokajanaki ida avamonini-ra onokhavini,
oniani ida avakadiania Timóteo okhana-ra akaronavini hija,
aogaja kaimoni ida avajahariharini kabaꞌi,
asia Jesu-ra avanofivini.
Ovaꞌi bodinia vara onina:
—Jahari vaꞌora kaboroborovini kabaꞌi,
asia Jesus athi-ra vanaabaki adani.
Okajariꞌdaki ida Jesus kaijaꞌari vihina-ra vakavaꞌipahiniꞌavini — oabono oniꞌaki ho.
6 Hari.
Avakadisidajia okhaꞌaha ada Timóteo.
Aꞌonira navanavanahaꞌavini naothinia joiki ada akadiania.
Bivikhaꞌihi ida varani avihini jahaki.
Haria niꞌaha:
—Ni-Jesu-ra vakavaꞌipahiniki adani Jesus kaijaꞌari Tessalônica sidajia vahojaki.
Vanofiꞌoamanira ada.
Haria vakavaꞌibodibakhiaki adani.
Haria vanakaidivavini.
Vanofiki ida haria vanokiꞌianavini,
vaꞌora anokiꞌianavini vani fori vihina — Timóteo haria niꞌaꞌihi.
7 Arigamina,
nahina jahariki namithaꞌini kabaꞌi akadiania,
ajaharihariki hari jaboni,
varani avihini khai haria niꞌaꞌiki hari.
Jesu-ra avanofivini monini khai haria niꞌaꞌiki hari.
—Ivani ijahaki i.
Vaꞌora iakadavaꞌajahakiꞌiki adani kadaijaꞌari Tessalônica sidajia vahojaki,
oniani ida khai haria niꞌaja — Deu-ra aniꞌaꞌiki hari.
10 Mahi,
joma hiki Deu-ra akanikhariadanokiki hari,
bivaꞌahaja kaimoni ida aꞌonira anavanavanahavini.
Anofiki ida nahina avarigarikia aꞌonira akaꞌojomoꞌiꞌianavini,
hihavija kaimoni.
11 Vaꞌora aniꞌaha adani Deus akadiabiꞌi,
Jesus akadikaꞌdaꞌdi khama:
—Haria vaakodia bana mahija Tessalônica sidajia akaikahivini.
12 Kadaijaꞌari-ra vaꞌora bana vaakodia mahija vaabono vakanakaidivakhamajahakivini aꞌbaꞌdivini.
Vaꞌora vaakodia bana mahija vahoariha jaboni-ra vaꞌora vanakaidivavini aꞌbaꞌdivini.
Aꞌonira anakaidivakarahovini vani fori hija ida vahoariha-ra vaꞌora avanakaidivavini-ra anofivini.
— Nimania ida Deu-ra vara aniꞌabakhiavini hiꞌiki avakadimoni.
13 Avakhanini vani Deua binadanoja ida avavaꞌini bodini vara nini Jesu-ra avanakaidivaja kaimoni.
Joiki bana ada akadikaꞌdaꞌdi Jesus,
kidijaꞌari hahavi nama vahojaki khama.
Joina kamahini Deus viaha arihojaki hari.
Anofiki ida Deus aꞌonira niꞌavini bana:
—Kodihojai jahakaꞌoakia avakahojaiki aꞌoni.
Ni-nahina jahariki-ra onokiki avavaꞌini bodinia.
Sohikaꞌoaki ida avakadimahi.