2 Nokiana kari ada Athiia oniki,

anokiꞌiki ada,

oniani ida vara aꞌonira aniꞌavini hija Athiia oniki varani hina.

Aꞌonira akanamonivini hiki ida ijaꞌari kamahi ajaꞌdiki anokhomiriki Athiia onikia binakamaꞌdaꞌiki.

Ovari kidiabiꞌi kania hojaꞌboꞌdaꞌiki naothinia abono-ra nanokiaꞌaha akadiania.

3 Aꞌonira anavaꞌisohivini hiki ida anokiꞌiki,

akamithaꞌiki,

akadiania avarajahamisija kaimoni.

Akhanina vani aajahamisija Deus akadiabiꞌi,

kidisai Jesus Cristo khama vakadiania.

4 Anajiriki hida ariathi,

hihavija kaimoni ida akadikhaiini.

5 Cristo haria navaꞌisohivini hiki hida moni aꞌonira akanamonivini hiꞌiki.

Nimania hida moni akamithaꞌiki:

Vagaki ada Deus.

Ni-bakibakipaꞌitxiriha ada.

Ni-hojai jaharikia kahojaipaꞌitxiriha ada.

6 Bakibakinia hojaki fori hiki ida ijaꞌari hojai Deua bivajahariki-ra bada niꞌabakhiaki.

Bakibakiki fori hiki kania arihojana oadani,

Deus kania aajahamisina-ra akahihi;

korijanahia akavaranihi.

Korijanahi hida akadivarani,

akadibadani hiki.

7 Vagaki ida Deus hojana,

ni-nahina asohiriki hojaki Deus vaꞌi bodinia.

Akadihojai Deus kahojai fori hihi;

aabono aakanajahamisikhamahi.

Jesus amana haria najahakaꞌoahi afohanana Deus viaha jaboni,

hojajanaria kaimoni ida hojai asohiriki Deua bivajahariki akadiania.

8 Hojai asohirikia akahojairina-ra akahihi;

korijanahi kavaranihia ariabono vara avaniꞌahi.

Ni-kaꞌoa hiki ida akadivaꞌibodivarani.

9 Deus haria navaꞌiponijoravini hiꞌiki ida akadihojai asohiriki-ra naꞌbiravini niha ninini.

Deu-ra ananamithavini hihi ida hojai asohirikia akabadanina;

Deua binaꞌbirahi,

ni-bikavaꞌihokijanaki.

Sohikaꞌoaki bana ida Deus kabadani akadiania.

Akadimahi-ra nasohikaꞌoaha,

hojajanaria kaimoni ida hojai asohiriki akadiania.

10 Deua biniꞌahi ida ijaꞌari hahavi hojai bivajahariki-ra namonahaki.

Deua bivajahariki hojaia akahojairina-ra akahihi;

Deus korijanahi abono hina-ra akahihi.

Ni-akapoariki ida Deus athi avaꞌi-ra nahonariahihivini.