Meni ape, one towe eite leseye ape, iyape lo Jon. Le Sebidi lo meni eime. Wiyawi ape, le tu taꞌaneteye ape, le hare aniteye. Nowe mi tase, le airu lo mase hare honaiye iwisiye su, Jisas lowesi maꞌe siyeye. Serai le lowesi le maꞌe moꞌo umasiyei ne ei aniye. Le Jisas lo meni disaipel pefine aꞌi henerai. Le Jisas mase uweinamiteye. Le etiri werese, Jisas iroteye ape, siyeye. Sosu le peri werese lo wanuteye. Le one towe eite lu taune werese maꞌe au leseye. Le apou teꞌeye, Jisas ne le Owane Sitewi lo meni eime pefine aꞌi ne. Nomo le ne tote tawesi umasiyei su, Owane Sitewi Tai Pefine aꞌi lo, le Tai Pefine aꞌi nomo lo aiwawe aꞌi heneraiyei ne. Le nomo maꞌe apou teꞌeteye. Nomo Owane Sitewi Tai Pefine aꞌi maꞌe iyei ne totesiya su, nomo Jisas ne fa wanu tote tawesi umasiyei.